اقساي قالاسىندا مەيرامحاناعا قاراقشىلىق شابۋىل جاساپ, 4 ملن استام تەڭگەنٸ قولدى ەتكەندەر ۇستالدى, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 4 اقپان كٷنٸ ورىن الدى.
ساعات شامامەن 03.25-تە بٶرلٸ اۋدانى پوليتسييا بٶلٸمٸنە «التىن شاتىر» مەيرامحانا كەشەنٸنە قاراقشىلىق شابۋىل جاسالعانى جٶنٸندە حابار تٷسكەن.
وقيعا ورنىنا جەدەل تەرگەۋ توبى جەتٸپ, قىلمىستى اشۋعا جەكە قۇرام جۇمىلدىرىلدى.
كەيٸن انىقتالعانىنداي, بەتپەردە كيگەن بەلگٸسٸز ەكەۋ 1963 جىلعى كٷزەتشٸنٸ بالتامەن قورقىتىپ, مەيرامحانى اشقىزعان. سودان كەيٸن كٷزەتشٸنٸڭ اياق-قولىن بايلاپ, ٶزٸنٸڭ ورنىندا قالدىرعان. ٶزدەرٸ كاسسا تۇرعان جەردەن 2 مەتالل سەيفتٸ جىمقىرىپ كەتكەن. وندا 1990 جىلعى كەسٸپكەرگە تيەسٸلٸ 4 ملن استام تەڭگە مەن قۇجاتتار بولعان.
كٷزەتشٸ اياق-قولىن بوساتىپ, مەيرامحانا كەشەنٸنٸڭ مەنەدجەرٸنە حابار بەرگەن. ول پوليتسيياعا جٷگٸنگەن.
جەدەل ٸزدەستٸرۋ شارالارى بارىسىندا وسى قىلمىسقا قاتىسى بار تٶرت كٷدٸكتٸ قولعا تٷستٸ. ولار اقساي قالاسىنىڭ 1989 جەنە 1990 جىلعى تۇرعىندارى بولىپ شىقتى. بۇلاردان ۇرلانعان اقشا مەن قىلمىس قارۋى تەركٸلەندٸ. ۇستاۋ كەزٸندە كٷدٸكتٸلەردٸڭ اقشانى ٶزارا بٶلٸسٸپ ٷلگەرگەنٸ انىقتالدى. ولار سەيفتٸ قايدا لاقتىرىپ كەتكەندٸكتەرٸن دە كٶرسەتتٸ. زاتتاي ايعاقتار تەركٸلەنٸپ, قىلمىستىق ٸسكە تٸركەلدٸ.
ۇرلانعان قارجى تٷگەلدەي يەسٸنە قايتارىلدى.
سونداي-اق اتالعان توپتىڭ رەسەيلٸك ەسەپتەگٸ «ۆاز-21150» اۆتوكٶلٸگٸمەن جٷرگەنٸ بەلگٸلٸ بولدى.
قازٸرگٸ كەزدە قر قك 192-بابى 3-بٶلٸگٸنە (قاراقشىلىق) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
كٷدٸكتٸلەردٸڭ ەكەۋٸ بٶرلٸ اۋدانى پوليتسييا بٶلٸمٸنٸڭ ۋاقىتشا ۇستاۋ يزولياتورىنا قامالدى.
بارلىق كٷدٸكتٸلەرگە قاتىستى بۇلتارتپاۋ شاراسىن قولدانۋ مەسەلەسٸ شەشٸلۋدە.
