Batys Qazaqstan oblysynda Naýryz merekesinen keiin kúrt jylynyp, sý tasqyny bolýy yqtimal, dep habarlaidy «QazAqparat» tilshisi.
Oblys ákimi Altai Kólginovtiń aitýynsha, óńirde qańtar, aqpan ailarynda qar onsha kóp jaýǵan joq. Áitse de aqpan aiynynyń sońǵy onkúndigi men naýryz bastalǵannan beri qar kóp jaýdy. Onyń ústine jerdiń tońy ótken jylǵydan kóp. Sondyqtan qaýip bar. Qazirgi kezde turǵyndar arasynda túsinik jumystary júrgizilýde.
«Eń bastysy, ózenderde qaýipti tustarda muzdy kesip jatyrmyz. Burynǵydai dinamitpen jarmaimyz, ol qorshaǵan ortaǵa ziian. Muz turyp qalady-aý degen jerlerdiń bári rettelýde. Ekinshiden, qala men eldi mekenderden qar shyǵarylýda. Kúni keshe 200 myń tekshe metr qar shyǵaryldy. Buǵan azamattar da belsene qatysýy kerek. Tasqala, Zelenov, Terekti aýdandarynda jáne Oral qalasynyń jeke úiler ornalasqan aýmaqtarynda qar kóp. Alda qar jaýady degen boljam bar. Onyń ústine Naýryz merekesinen keiin kún kúrt jylyp qana qoimai, jańbyr jaýýy da yqtimal. Sonda jerde toń qalyń bolǵandyqtan, sý deńgeii kóterilip ketýi múmkin. Osynyń bárine daiyn bolý úshin tiisti sharalar alynýda», - dedi óńir basshysy.
