Batys Qazaqstan oblysynda koronavirýs juqtyrǵandardyń 88 paiyzy jazylyp shyqty, dep habarlaidy "Ult aqparat".
BQO Densaýlyq saqtaý basqarmasynyń basshysy mindetin atqarýshy Arman Qalibekovtiń Óńirlik kommýnikatsiialar qyzmeti alańynda málim etkenindei, oblysta indetke shaldyqqandardyń jalpy sany 8963-ke jetti.
Kúni búgin sonyń 7890-y nemese 88 paiyzy jazyldy. Onyń ishinde 3667-si statsionarda jatyp shyqsa, 4223-i ambýlatorlyq em aldy.
Indet bastalǵannan beri 160 adam kóz jumdy.
Qazirgi tańda 185 tósektik 4 karantindik statsionarda 38 adam jatyr. Al 359 tósektik 7 juqpaly aýrýlar aýrýhanasynda 158 naýqas emdelýde.
Jansaqtaý bóliminde jatqandar sany 18-ge jetti: 4-eýi – 40 pen 60, 10-y – 60 pen 80 jas aralyǵynda, qalǵan tórt emdelýshi – seksennen asqan. 14 naýqastyń 13-i júrek-qan tamyrlary aýrýymen, bireýi qant diabetimen syrqattanady.
Invazivti emes jasandy tynys alý apparatyna 6 adam qosylǵan.
A.Qalibekovtiń sózine qaraǵanda, qosymsha 2028 tósek-oryn rezerv esebinde daiyndalsa, sonyń 1253-i juqpaly aýrýlar, 775-i karantindik statsionarlarda.
Emhanalarda barlyq máseleler boiynsha qashyqtan keńes berý úshin saǵat 08.00-den 20.00-ge deiin sitýatsiialyq ortalyqtar jumys isteidi. Oblys boiynsha bul ortalyqtarǵa táýligine orta eseppen 150-200 qońyraý shalynady. Kúni búginge deiin barlyǵy 6071 qońyraý shalynǵan. Sońǵy táýlikte 179 qońyraýdyń 55,9 paiyzy (100) Oral qalasynan túsken.
«Óńirde 123 mobildi brigada jumys isteýde. Mobildi brigada táýligine 232 shaqyrýǵa barsa, sonyń 26-sy COVID-19 boiynsha. Turǵyndardy ýaqtyly aqparattandyrý úshin «109» CALL-ortalyǵy táýlik boiy jumys isteidi. Munda turǵyndar kóptegen ózekti máseleler, sonyń ishinde COVID-19 týraly aqparat ala alady. Eger kúnine shamamen 550-570 qońyraý tússe, onyń 32-si KVI suraqtaryna qatysty. Meditsinalyq kómekke qatysty saýaldar bolsa, emhanalardaǵy sitýatsiialyq ortalyqqa júginý kerek», dedi Arman Qalibekov.
