باتىس قازاقستان وبلىسىندا كوروناۆيرۋس جۇقتىرعانداردىڭ 88 پايىزى جازىلىپ شىقتى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسشىسى مٸندەتٸن اتقارۋشى ارمان قاليبەكوۆتٸڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, وبلىستا ٸندەتكە شالدىققانداردىڭ جالپى سانى 8963-كە جەتتٸ.
كٷنٸ بٷگٸن سونىڭ 7890-ى نەمەسە 88 پايىزى جازىلدى. ونىڭ ٸشٸندە 3667-سٸ ستاتسيوناردا جاتىپ شىقسا, 4223-ٸ امبۋلاتورلىق ەم الدى.
ٸندەت باستالعاننان بەرٸ 160 ادام كٶز جۇمدى.
قازٸرگٸ تاڭدا 185 تٶسەكتٸك 4 كارانتيندٸك ستاتسيوناردا 38 ادام جاتىر. ال 359 تٶسەكتٸك 7 جۇقپالى اۋرۋلار اۋرۋحاناسىندا 158 ناۋقاس ەمدەلۋدە.
جانساقتاۋ بٶلٸمٸندە جاتقاندار سانى 18-گە جەتتٸ: 4-ەۋٸ – 40 پەن 60, 10-ى – 60 پەن 80 جاس ارالىعىندا, قالعان تٶرت ەمدەلۋشٸ – سەكسەننەن اسقان. 14 ناۋقاستىڭ 13-ٸ جٷرەك-قان تامىرلارى اۋرۋىمەن, بٸرەۋٸ قانت ديابەتٸمەن سىرقاتتانادى.
ينۆازيۆتٸ ەمەس جاساندى تىنىس الۋ اپپاراتىنا 6 ادام قوسىلعان.
ا.قاليبەكوۆتٸڭ سٶزٸنە قاراعاندا, قوسىمشا 2028 تٶسەك-ورىن رەزەرۆ ەسەبٸندە دايىندالسا, سونىڭ 1253-ٸ جۇقپالى اۋرۋلار, 775-ٸ كارانتيندٸك ستاتسيونارلاردا.
ەمحانالاردا بارلىق مەسەلەلەر بويىنشا قاشىقتان كەڭەس بەرۋ ٷشٸن ساعات 08.00-دەن 20.00-گە دەيٸن سيتۋاتسييالىق ورتالىقتار جۇمىس ٸستەيدٸ. وبلىس بويىنشا بۇل ورتالىقتارعا تەۋلٸگٸنە ورتا ەسەپپەن 150-200 قوڭىراۋ شالىنادى. كٷنٸ بٷگٸنگە دەيٸن بارلىعى 6071 قوڭىراۋ شالىنعان. سوڭعى تەۋلٸكتە 179 قوڭىراۋدىڭ 55,9 پايىزى (100) ورال قالاسىنان تٷسكەن.
«ٶڭٸردە 123 موبيلدٸ بريگادا جۇمىس ٸستەۋدە. موبيلدٸ بريگادا تەۋلٸگٸنە 232 شاقىرۋعا بارسا, سونىڭ 26-سى COVID-19 بويىنشا. تۇرعىنداردى ۋاقتىلى اقپاراتتاندىرۋ ٷشٸن «109» CALL-ورتالىعى تەۋلٸك بويى جۇمىس ٸستەيدٸ. مۇندا تۇرعىندار كٶپتەگەن ٶزەكتٸ مەسەلەلەر, سونىڭ ٸشٸندە COVID-19 تۋرالى اقپارات الا الادى. ەگەر كٷنٸنە شامامەن 550-570 قوڭىراۋ تٷسسە, ونىڭ 32-سٸ كۆي سۇراقتارىنا قاتىستى. مەديتسينالىق كٶمەككە قاتىستى ساۋالدار بولسا, ەمحانالارداعى سيتۋاتسييالىق ورتالىققا جٷگٸنۋ كەرەك», دەدٸ ارمان قاليبەكوۆ.
