QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komiteti Batys Qazaqstan oblysynda kiikterdiń jappai qyrylýynyń boljamdy sebebin atady, dep habarlaidy "Ult aqparat".
2021 jyldyń 13 mamyrynda BQO-nyń Jánibek aýdany Taý aýyly manyńda ólgen 372 bas kiik (basym bóligi analyq týsha) tabylǵan.
Oqiǵa ornyna qajetti is-sharalardy júrgizý úshin shuǵyl túrde oblystyq Ekologiia departamentiniń, QR AShM Veterinariialyq baqylaý jáne qadaǵalaý komiteti inspektsiiasynyń, oblystyq Veterinariia basqarmasynyń, Sanitariialyq-epidemiologiialyq baqylaý departamentiniń jáne Tótenshe jaǵdailar departamentiniń qyzmetkerleri tartylǵan.
«Kiikterdiń jappai qyrylý faktisi boiynsha ýákiletti memlekettik organdardyń jedel shtaby quryldy.
Boljam boiynsha kiikterdiń qyrylýy sol mekendegi qolaisyz aýa raiyna (nóserli jaýyn men naizaǵai) bailanysty bolýy múmkin. Sebebi, ushalarda naizaǵai razriadynan zaqymdaný izi baiqalady. Quzyrly memlekettik organdardyń zertteý jáne qorytyndy jumystary aiaqtalǵan soń, naqty nátijesi qosymsha habarlanady», - dep málim etti Orman sharýashylyǵy jáne janýarlar dúniesi komitetiniń baspasóz qyzmetinen.
