Batys Qazaqstan oblysynda maska taǵý rejimin buzǵan Qaztalov aýdany ákiminiń orynbasary Záilim Májitovaǵa aiyppul salyndy, dep habarlaidy "Ult aqparat".
Qaztalov aýylyndaǵy A.Orazbaeva atyndaǵy orta mektep direktorynyń tárbie isi jónindegi orynbasary Injýmarjan Ǵazizovanyń málim etkenindei, ákim orynbasary ótken jylǵy 6 qarasha kúni Saryqudyq mektebinde jinalys ótkizip, onda maska taqpai otyrǵan.
Z.Májitovanyń karantin tártibin buzǵanyn sol jinalystan túsirilgen sýretterden kórýge bolady. I.Májitovanyń sózine qaraǵanda, ol aldymen aýdan ákimine, sodan keiin politsiiaǵa shaǵym túsirgen. Z.Májitovanyń ózi koronavirýsqa qarsy kúres jónindegi aýdandyq monitoringtik toptyń jetekshisi bola tura, maska taqpaýyn jalǵastyryp, karantin tártibin biylǵy qańtar aiynda da buzǵan.
Qaztalov aýdany sanitarlyq-epidemiologiialyq baqylaý basqarmasynyń basshysy Talǵat Haidarovtyń aitýynsha, I.Májitovanyń aryzy boiynsha 3 jeltoqsan kúni aýdandyq politsiia bóliminen Záilim Májitovanyń karantin rejimin buzǵany týraly ákimshilik is qujattary kelgen. QR Ákimshilik quqyqbuzýshylyq kodeksi 425-baby 1-bóligine sáikes oǵan 230 AEK kóleminde 638 940 teńge aiyppul salyndy.
«Osy kodekstiń 810-babynda kórsetilgen ákimshilik quqyqbuzýshylyq týraly is boiynsha qysqartylǵan is júrgizýdiń negizinde Záilim Májitova jeti kúnniń ishinde aiyppuldyń 50 paiyzyn, iaǵni 319 470 teńgeni tóledi. Iaǵni kodekske sáikes qysqartylǵan is boiynsha jeti kún ishinde tólese, aiyppul ótelgen bolyp sanalady. Bul kisige bailanysty odan basqa is túsken joq», dedi Haidarov.
