Batys Qazaqstan oblysynda bes avtokólik soqtyǵysyp, bir adam qaza tapty jáne eki adam zardap shekti, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa búgin shamamen saǵat 10.39-da Aqjaiyq aýdanynyń Alǵabas aýyly tusynda respýblikalyq jol boiynda boldy.
Lada granta, Volkswagen Passat, Toyota Camry, VAZ-2114 jáne Chevrolet Aveo avtokólikteri bir birine soǵylǵan. Sonyń saldarynan Lada granta avtokóliginde otyrǵan jolaýshy kóz jumdy. Sondai-aq túrli jaraqat alǵaan úsh adam Aqjaiyq aýdandyq ortalyq aýrýhanasyna jetkizildi. Osy oqiǵa boiynsha Qylmystyq kodekstiń 345-babyna sáikes tergeý amaldary júrgizilýde.
Eske sala ketsek, jyl basynan beri oblys aýmaǵynda 12 jol-kólik oqiǵasynan 5 adam mert boldy.
BQO politsiia departamenti jol erejesin saqtaý kerektigin eske salady. Ásirese, qolaisyz aýa raiy kezinde asa saq bolý qajet.
