BQO qylmystyq ister jónindegi mamandandyrylǵan aýdanaralyq sotynda búgin 36 jastaǵy Vitalii Valitovqa qatysty úkim shyqty, dep habarlaidy "Ult aqparat".
Atalmysh sottan túsken málimetke qaraǵanda, V.Valitov QR QK 99-baby 1-bóligine sáikes aiypty dep tanylyp, 11 jyl merzimge bas bostandyǵynan aiyryldy.
Sot úkimimen V.Valitovqa jazasyn qaýipsizdigi barynsha joǵary qylmystyq-atqarý júiesi mekemesinde óteý belgilendi.
Is beinebailanys júiesi arqyly qaraldy.
Sot talqysynda málim bolǵanyndai, biylǵy 26 maýsym kúni túski ýaqytta V.Valitov Báiterek aýdany Úlken Shaǵan aýyly Beibitshilik kóshesi 14-mekenjaiynda ornalasqan qaraýsyz qalǵan úidiń aýlasynda óziniń bala kezindegi dosy A.Shýka jáne onyń jezdesi E.Samartsevpen birge araq ishken.
Saǵat 21.00 shamasynda masaiǵan E.Samartsev úiine ketip, qalǵan ekeýi otyrysty jalǵastyrǵan. Bir saǵattai ýaqyt ótkennen keiin ekeýiniń arasynda kikiljiń týyndap, V.Valitov A.Shýkanyń basynan eki ret urǵan. Sosyn moiyn tusynan eki márte pyshaq calǵan. Sonyń saldarynan A.Shýka oqiǵa ornynda qaza tapqan.
Sotta V.Valitovtyń kinási tolyq dáleldendi.
Úkim zańdy kúshine engen joq.
