Batys Qazaqstan oblysynda aýrýhanaǵa júgingen aýyl turǵynynan koronavirýs anyqtaldy, dep habarlaidy "Ult aqparat".
BQO ákimdigi málim etkenindei, sońǵy anyqtalǵan 10 naýqastyń tórteýi – Reseide jumys isteitin Túrkistan oblysynyń turǵyndary.
Olar Reseimen shektesetin «Syrym» avtoótkelinen ótkennen keiin densaýlyqtaryna shaǵymy bolmaǵanmen, jedel járdemmen karantindik statsionarǵa jatqyzylǵan.
Bes adam – buryn koronavirýspen aýyrǵandarmen bailanysta bolǵan oblys turǵyndary.
Taǵy bir adam – Syrym aýdanynyń turǵyny. Ol dene qyzýynyń kóterilýine bailanysty aýdandyq aýrýhana qyzmetine júgingen. Dáriger patsientti qabyldap, zerthanalyq synama alǵan.
Naýqaspen qarym-qatynasta bolǵandar baqylaýǵa alyndy.
Epidemiologiialyq sharalar júrgizilip, turǵynnyń aýrýdy qaidan juqtyrǵany anyqtalý ústinde. Barsha turǵyndar jeke gigienalyq talaptar men karantindik shekteý sharalaryn saqtaýy kerek.
«Epidtergeý qorytyndysy boiynsha aýdannyń karantinge qoiylý-qoiylmaýy belgili bolady», dep habarlady BQO taýarlar men kórsetiletin qyzmetterdiń sapasy men qaýipsizdigin baqylaý departamenti.
Oblysta kezeń-kezeńmen karantin sharalary jeńildetilip jatqanymen, indet qaýpi seiilmei tur. Kúni búginge deiin barlyǵy 339 adam koronavirýsqa shaldyqsa, sonyń 180-i jazylyp shyqty.
