باتىس قازاقستان وبلىسىندا اۋرۋحاناعا جٷگٸنگەن اۋىل تۇرعىنىنان كوروناۆيرۋس انىقتالدى, دەپ حابارلايدى "ۇلت اقپارات".
بقو ەكٸمدٸگٸ مەلٸم ەتكەنٸندەي, سوڭعى انىقتالعان 10 ناۋقاستىڭ تٶرتەۋٸ – رەسەيدە جۇمىس ٸستەيتٸن تٷركٸستان وبلىسىنىڭ تۇرعىندارى.
ولار رەسەيمەن شەكتەسەتٸن «سىرىم» اۆتوٶتكەلٸنەن ٶتكەننەن كەيٸن دەنساۋلىقتارىنا شاعىمى بولماعانمەن, جەدەل جەردەممەن كارانتيندٸك ستاتسيونارعا جاتقىزىلعان.
بەس ادام – بۇرىن كوروناۆيرۋسپەن اۋىرعاندارمەن بايلانىستا بولعان وبلىس تۇرعىندارى.
تاعى بٸر ادام – سىرىم اۋدانىنىڭ تۇرعىنى. ول دەنە قىزۋىنىڭ كٶتەرٸلۋٸنە بايلانىستى اۋداندىق اۋرۋحانا قىزمەتٸنە جٷگٸنگەن. دەرٸگەر پاتسيەنتتٸ قابىلداپ, زەرتحانالىق سىناما العان.
ناۋقاسپەن قارىم-قاتىناستا بولعاندار باقىلاۋعا الىندى.
ەپيدەميولوگييالىق شارالار جٷرگٸزٸلٸپ, تۇرعىننىڭ اۋرۋدى قايدان جۇقتىرعانى انىقتالۋ ٷستٸندە. بارشا تۇرعىندار جەكە گيگيەنالىق تالاپتار مەن كارانتيندٸك شەكتەۋ شارالارىن ساقتاۋى كەرەك.
«ەپيدتەرگەۋ قورىتىندىسى بويىنشا اۋداننىڭ كارانتينگە قويىلۋ-قويىلماۋى بەلگٸلٸ بولادى», دەپ حابارلادى بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ.
وبلىستا كەزەڭ-كەزەڭمەن كارانتين شارالارى جەڭٸلدەتٸلٸپ جاتقانىمەن, ٸندەت قاۋپٸ سەيٸلمەي تۇر. كٷنٸ بٷگٸنگە دەيٸن بارلىعى 339 ادام كوروناۆيرۋسقا شالدىقسا, سونىڭ 180-ٸ جازىلىپ شىقتى.
