Batys Qazaqstan oblysynda 6 qańtarda ereýilge shyǵyp, jalaqylaryn keminde 50 paiyzǵa kóbeitýdi talap etip, ashtyq jariialaǵan munai servistik kompaniia jumysshylaryna basshylyq infliatsiiany eskere otyryp, jalaqylaryn ósirýge ýáde berdi, dep habarlaidy Azattyq.
8 qańtarda Bonatti S.p.A kompaniiasynyń taratqan habarlamasynda jumys berýshiniń osy aida - "jalaqyny qazirgi infliatsiia deńgeiin eskere otyryp, esepteýge", kelesi aida bir ailyq jalaqy mólsherinde syiaqy taǵaiyndaýǵa ýáde bergeni jazylǵan. Mundai sheshim 7 qańtar kompaniianyń bas direktory Kristian Býritstsemen onlain-kezdesýden keiin qabyldanǵan.
Habarlamada jumysshylardyń jalaqysyn 50 paiyzǵa ósirý talaby qańtar aiynyń ortasynda Qazaqstanǵa keletin bas direktormen birge talqylanady dep jazylǵan.
6 qańtarda Bonatti S.p.A kompaniiasynyń shamamen 300 jumysshysy narazylyqqa shyqqan. Olar jalaqylaryn ósirmeiinshe ashtyq jariialaitynyn aityp, videoúndeý taratqan. Óndiris ornynda túsirilgen videoúndeý messenjerlerde tarady.
"Biz, Batys Qazaqstan oblysy Aqsai qalasyndaǵy Bonatti kenishinde istetin kompaniia jumysshylary jalaqy mólsherine narazymyz. Búgin, 6 qańtarda úsh saǵatqa jumysymyzdy toqtattyq. Biz túski asqa barǵan joqpyz, keshki asqa da barmaimyz. "Bonatti" kompaniiasy basshylyǵynan jalaqy mólsherin 50 paiyzǵa kóbeitýdi talap etemiz" dedi qyzmetkerler.
Batys Qazaqstan oblysy biliginiń habarlaýynsha, sol kúni oqiǵa ornyna ákimdik ókilderi barǵan. Biraq kelissóz nátijesi týraly aqparat bermedi. Kezdesý qorytyndysy tek eki kúnnen keiin belgili boldy.
Bonatti S.p.A - Qarashyǵanaq munai-gaz kondensaty kenishinde isteitin servistik kompaniialardyń biri. 280 sharshy shaqyrym jerdi alyp jatqan iri kenish Qazaqstannyń soltústik-batysynda ornalasqan. Onyń operatory - shikizat óndirýge qatysatyn Royal Dutch Shell, Eni, "Shevron", "Lýkoil" jáne "QazMunaiGaz" kompaniialary qurǵan "Qarashyǵanaq Petroliým Opereiting B.V." kompaniiasy.
