باتىس قازاقستان وبلىسىندا 6 قاڭتاردا ەرەۋٸلگە شىعىپ, جالاقىلارىن كەمٸندە 50 پايىزعا كٶبەيتۋدٸ تالاپ ەتٸپ, اشتىق جارييالاعان مۇناي سەرۆيستٸك كومپانييا جۇمىسشىلارىنا باسشىلىق ينفلياتسييانى ەسكەرە وتىرىپ, جالاقىلارىن ٶسٸرۋگە ۋەدە بەردٸ, دەپ حابارلايدى ازاتتىق.
8 قاڭتاردا Bonatti S.p.A كومپانيياسىنىڭ تاراتقان حابارلاماسىندا جۇمىس بەرۋشٸنٸڭ وسى ايدا - "جالاقىنى قازٸرگٸ ينفلياتسييا دەڭگەيٸن ەسكەرە وتىرىپ, ەسەپتەۋگە", كەلەسٸ ايدا بٸر ايلىق جالاقى مٶلشەرٸندە سىياقى تاعايىنداۋعا ۋەدە بەرگەنٸ جازىلعان. مۇنداي شەشٸم 7 قاڭتار كومپانييانىڭ باس ديرەكتورى كريستيان بۋريتستسەمەن ونلاين-كەزدەسۋدەن كەيٸن قابىلدانعان.
حابارلامادا جۇمىسشىلاردىڭ جالاقىسىن 50 پايىزعا ٶسٸرۋ تالابى قاڭتار ايىنىڭ ورتاسىندا قازاقستانعا كەلەتٸن باس ديرەكتورمەن بٸرگە تالقىلانادى دەپ جازىلعان.
6 قاڭتاردا Bonatti S.p.A كومپانيياسىنىڭ شامامەن 300 جۇمىسشىسى نارازىلىققا شىققان. ولار جالاقىلارىن ٶسٸرمەيٸنشە اشتىق جارييالايتىنىن ايتىپ, ۆيدەوٷندەۋ تاراتقان. ٶندٸرٸس ورنىندا تٷسٸرٸلگەن ۆيدەوٷندەۋ مەسسەنجەرلەردە تارادى.
"بٸز, باتىس قازاقستان وبلىسى اقساي قالاسىنداعى Bonatti كەنٸشٸندە ٸستەتٸن كومپانييا جۇمىسشىلارى جالاقى مٶلشەرٸنە نارازىمىز. بٷگٸن, 6 قاڭتاردا ٷش ساعاتقا جۇمىسىمىزدى توقتاتتىق. بٸز تٷسكٸ اسقا بارعان جوقپىز, كەشكٸ اسقا دا بارمايمىز. "Bonatti" كومپانيياسى باسشىلىعىنان جالاقى مٶلشەرٸن 50 پايىزعا كٶبەيتۋدٸ تالاپ ەتەمٸز" دەدٸ قىزمەتكەرلەر.
باتىس قازاقستان وبلىسى بيلٸگٸنٸڭ حابارلاۋىنشا, سول كٷنٸ وقيعا ورنىنا ەكٸمدٸك ٶكٸلدەرٸ بارعان. بٸراق كەلٸسسٶز نەتيجەسٸ تۋرالى اقپارات بەرمەدٸ. كەزدەسۋ قورىتىندىسى تەك ەكٸ كٷننەن كەيٸن بەلگٸلٸ بولدى.
Bonatti S.p.A - قاراشىعاناق مۇناي-گاز كوندەنساتى كەنٸشٸندە ٸستەيتٸن سەرۆيستٸك كومپانييالاردىڭ بٸرٸ. 280 شارشى شاقىرىم جەردٸ الىپ جاتقان ٸرٸ كەنٸش قازاقستاننىڭ سولتٷستٸك-باتىسىندا ورنالاسقان. ونىڭ وپەراتورى - شيكٸزات ٶندٸرۋگە قاتىساتىن Royal Dutch Shell, Eni, "شەۆرون", "لۋكويل" جەنە "قازمۇنايگاز" كومپانييالارى قۇرعان "قاراشىعاناق پەتروليۋم وپەرەيتينگ ب.ۆ." كومپانيياسى.
