Batys Qazaqstan oblysynda biylǵy toǵyz aida 410 memlekettik qyzmetshi tártiptik jaýapkershilikke tartyldy, dep habarlaidy "Ult aqparat".
QR Memlekettik qyzmet isteri agenttigi BQO boiynsha departamentiniń basshysy, ádep jónindegi keńes tóraǵasy Ǵalym Tursynbaevtyń óńirlik kommýnikatsiialar qyzmeti alańynda ótken brifingte málim etkenindei, sonyń ishinde 221-i nemese 53,9 paiyzy – jergilikti atqarý organdary qyzmetshileri, 189-y nemese 46,1 paiyzy – aýmaqtyq memlekettik organdar qyzmetshileri.
Sonyń ishinde 349 qyzmetshi (85,1 paiyz) tártiptik komissiia otyrystarynyń qaraýynsyz jaýapkershilikke tartylyp, olarǵa 253 eskertý, 74 sógis, 22 qatań sógis túrindegi tártiptik jaza qoldanyldy.
Tártiptik komissiialar men basqa da ýákiletti organdardyń usynystary boiynsha 61 tártiptik jaza qoldanylsa, sonyń ishinde Ádep kodeksi normalaryn buzǵany úshin 10, memlekettik qyzmetke kir keltiretin tártiptik teris qylyqtar jasaǵany úshin 8, ózge zańnama talaptaryn buzǵan 43 adam jaýapqa tartyldy.
Memlekettik organdardyń tártiptik komissiialarynda 107 material qaralyp, sonyń nátijesinde tártiptik jazaǵa tartý týraly 51 usynym jasaldy. Tártiptik jazaǵa tartýǵa negiz joq degen 56 usynym engizildi.
Ǵalym Sultanulynyń sózine qaraǵanda, osy kezge deiin BQO-daǵy ádep jónindegi keńestiń 9 otyrysy ótip, onda 32 másele qaraldy. Sonyń 21-i (64,5 paiyzy) profilaktikalyq baǵyttaǵy máseleler bolsa, 11-i nemese 35,5 paiyzy –tártiptik ister.
«Ádep jónindegi keńes talqylai kele 10 laýazymdy tulǵaǵa (2019 jyldyń toǵyz aiynda – 5) tártiptik jaza qoldaný týraly usynys jasady. Sonyń ishinde beseýi memlekettik qyzmetke kir keltiretin teris qylyqqa barǵan. Bulardyń úsheýine qyzmetine tolyq sáikes emestigi týraly eskertý berý, ekeýin atqaryp otyrǵan memlekettik laýazymynan bosatý usynyldy. Bes qyzmetshi (bireýi – qyzmetine tolyq sáikes emestigi týraly eskertý, ekeýi – qatań sógis, ekeýi –eskertý) Ádep kodeksiniń talaptaryn saqtamaǵany úshin jaýapqa tartyldy. Bir tártiptik is toqtatyldy», dedi Ǵ.Tursynbaev.
