باتىس قازاقستان وبلىسىندا بيىلعى توعىز ايدا 410 مەملەكەتتٸك قىزمەتشٸ تەرتٸپتٸك جاۋاپكەرشٸلٸككە تارتىلدى, دەپ حابارلايدى "ۇلت اقپارات".
قر مەملەكەتتٸك قىزمەت ٸستەرٸ اگەنتتٸگٸ بقو بويىنشا دەپارتامەنتٸنٸڭ باسشىسى, ەدەپ جٶنٸندەگٸ كەڭەس تٶراعاسى عالىم تۇرسىنباەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگتە مەلٸم ەتكەنٸندەي, سونىڭ ٸشٸندە 221-ٸ نەمەسە 53,9 پايىزى – جەرگٸلٸكتٸ اتقارۋ ورگاندارى قىزمەتشٸلەرٸ, 189-ى نەمەسە 46,1 پايىزى – اۋماقتىق مەملەكەتتٸك ورگاندار قىزمەتشٸلەرٸ.
سونىڭ ٸشٸندە 349 قىزمەتشٸ (85,1 پايىز) تەرتٸپتٸك كوميسسييا وتىرىستارىنىڭ قاراۋىنسىز جاۋاپكەرشٸلٸككە تارتىلىپ, ولارعا 253 ەسكەرتۋ, 74 سٶگٸس, 22 قاتاڭ سٶگٸس تٷرٸندەگٸ تەرتٸپتٸك جازا قولدانىلدى.
تەرتٸپتٸك كوميسسييالار مەن باسقا دا ۋەكٸلەتتٸ ورگانداردىڭ ۇسىنىستارى بويىنشا 61 تەرتٸپتٸك جازا قولدانىلسا, سونىڭ ٸشٸندە ەدەپ كودەكسٸ نورمالارىن بۇزعانى ٷشٸن 10, مەملەكەتتٸك قىزمەتكە كٸر كەلتٸرەتٸن تەرتٸپتٸك تەرٸس قىلىقتار جاساعانى ٷشٸن 8, ٶزگە زاڭناما تالاپتارىن بۇزعان 43 ادام جاۋاپقا تارتىلدى.
مەملەكەتتٸك ورگانداردىڭ تەرتٸپتٸك كوميسسييالارىندا 107 ماتەريال قارالىپ, سونىڭ نەتيجەسٸندە تەرتٸپتٸك جازاعا تارتۋ تۋرالى 51 ۇسىنىم جاسالدى. تەرتٸپتٸك جازاعا تارتۋعا نەگٸز جوق دەگەن 56 ۇسىنىم ەنگٸزٸلدٸ.
عالىم سۇلتانۇلىنىڭ سٶزٸنە قاراعاندا, وسى كەزگە دەيٸن بقو-داعى ەدەپ جٶنٸندەگٸ كەڭەستٸڭ 9 وتىرىسى ٶتٸپ, وندا 32 مەسەلە قارالدى. سونىڭ 21-ٸ (64,5 پايىزى) پروفيلاكتيكالىق باعىتتاعى مەسەلەلەر بولسا, 11-ٸ نەمەسە 35,5 پايىزى –تەرتٸپتٸك ٸستەر.
«ەدەپ جٶنٸندەگٸ كەڭەس تالقىلاي كەلە 10 لاۋازىمدى تۇلعاعا (2019 جىلدىڭ توعىز ايىندا – 5) تەرتٸپتٸك جازا قولدانۋ تۋرالى ۇسىنىس جاسادى. سونىڭ ٸشٸندە بەسەۋٸ مەملەكەتتٸك قىزمەتكە كٸر كەلتٸرەتٸن تەرٸس قىلىققا بارعان. بۇلاردىڭ ٷشەۋٸنە قىزمەتٸنە تولىق سەيكەس ەمەستٸگٸ تۋرالى ەسكەرتۋ بەرۋ, ەكەۋٸن اتقارىپ وتىرعان مەملەكەتتٸك لاۋازىمىنان بوساتۋ ۇسىنىلدى. بەس قىزمەتشٸ (بٸرەۋٸ – قىزمەتٸنە تولىق سەيكەس ەمەستٸگٸ تۋرالى ەسكەرتۋ, ەكەۋٸ – قاتاڭ سٶگٸس, ەكەۋٸ –ەسكەرتۋ) ەدەپ كودەكسٸنٸڭ تالاپتارىن ساقتاماعانى ٷشٸن جاۋاپقا تارتىلدى. بٸر تەرتٸپتٸك ٸس توقتاتىلدى», دەدٸ ع.تۇرسىنباەۆ.
