Batys Qazaqstanda «Kiik» jedel izdestirý sharasy kezinde tabiǵat inspektorlary eki kólikke mingen brakonerlerdi ustady, dep habarlaidy "Ult aqparat".
«2020 jyldyń 18 mamyrynda arnaiy «Kiik» jedel izdestirý sharasy barysynda kiik aýlap, derivattardyń zańsyz ainalymymen ainalysqan Batys Qazaqstannyń tórt azamaty ustaldy. Operatsiia kezinde reseilik «Nissan», «Niva Shevrole» kólikterinen kiiktiń 434 múiizi, mototsikl, 5 qarý (ishinde optikamen kózdep atatyny da bar), ártúrli kalibrli 293 patron, túnde kóre alatyn qurylǵy, radistantsiialar, GPS navigator, 7 mobildi telefon men 2 planshet, ara men pyshaq, taǵy basqa zattar tabyldy», - dep jazady Sáken Dildahmet.
Atalmysh fakt boiynsha QR Qylmystyq kodeksiniń 339-baby boiynsha sotqa deiingi tergeý amaldary júrgizilip jatyr.
Aita keterligi, 15 sáýirden bastap Qazaqstanda brakonerlikke qarsy «Kiik» atty keń aýqymdy aktsiia júrgizilip jatyr.
