Terekti aýdanynda Dolinnyi, Tóńkeris jáne Qonyssai aýyldaryna tabiǵi gaz jetkizildi, dep habarlaidy "Ult aqparat".
Aýyl turǵyndarynyń qýanyshyna ortaqtasqan oblys ákimi Ǵali Esqalievtiń aitýynsha, jyl basynda aýdanda gazben qamtý kórsetkishi 89 paiyz bolsa, endi 96 paiyzǵa jetpek.
Jyl sońyna deiin Terekti aýdanynda taǵy toǵyz aýyl kógildir otynǵa qosylatyn bolady.
Terekti – qalaǵa jaqyn ornalasqan aýdannyń biri, Qarashyǵanaq kenishi de alys emes. Gazdyń ústinde otyrǵanymen, atalmysh aýyl turǵyndary kógildir otynǵa qol jetkize almai kelgen edi. Endi olar qysqa otyn jinaý, ot jaǵyp, kúl shyǵarý mashaqatynan qutyldy.
Jumyspen qamtýdyń jol kartasy aiasynda Dolinnyi, Tóńkeris, Qonyssai aýyldaryna gaz qubyryn tartý úshin biýdjetten 337 mln teńge bólindi.
Bilim salasynda uzaq jyl eńbek etken Dolinnyi turǵyny Aleksandra Mazýrdyń málim etkenindei, bul igilikti olar on jyl boiy kútken.
«Biylǵy qańtar aiynda ákimderdiń esep berýi kezinde biz osy máseleni óńir basshysynyń aldyna qoiǵan edik. Buryn mektep te salqyn bolǵandyqtan, balalar tońyp shyǵatyn. Endi munyń bári artta qaldy», dedi A.Mazýr.
