Biznes jobalaryn keńinen qamtý úshin «Biznestiń jol kartasy 2025» baǵdarlamasy boiynsha salalyq shekteýler alynyp tastaldy. Bul týraly Ortalyq kommýnikatsiialar qyzmetindegi brifingte QR Ulttyq ekonomika vitse-ministri Jasulan Mədiev aitty, dep habarlaidy QazAqparat.
«Shaǵyn jəne orta kəsipkerlikti damytý memlekettik saiasattyń basymdyqtarynyń biri, ol ekonomikalyq ósim men jumys oryndarynyń mańyzdy kózi sanalady. Bizdiń baǵalaýymyzsha jalpy ishki ónim qurylymyndaǵy shaǵyn jəne orta biznestiń úlesi 29,5 paiyzdy quraidy. Bul sektorda 3 mln-nan astam adam jumys isteidi. Shaǵyn jəne orta biznesti negizgi qoldaý «Biznestiń jol kartasy 2025» jəne «Qarapaiym zattar ekonomikasy» baǵdarlamalary aiasynda júzege asyrylady. 2019 jyly jəne biylǵy jyly osy baǵdarlamalar boiynsha qoldaýǵa ie bolǵan kredittik portfeldiń jalpy kólemi 372 mlrd teńgeni qurap, 5,5 myńnan astam joba qarjylandyryldy», - dedi vitse-ministr.
Onyń atap ótýinshe, elimizde tótenshe jaǵdai engizilýi aiasynda Memleket basshysynyń tapsyrmasymen shuǵyl sharalar toptamasy ázirlengen. Bul jumys aýqymynda joǵaryda atalǵan eki baǵdarlama boiynsha túpkilikti zaemshy úshin syiaqy mólsherlemesi sáikestendirildi.
«Endi atalǵan baǵdarlamalar boiynsha kredit quny 6 paiyzdan aspaityn bolady. Biznes jobalaryn keńinen qamtý úshin «Biznestiń jol kartasy 2025« baǵdarlamasy boiynsha salalyq shekteýler alynyp tastaldy. Bul shaǵyn jáne orta kásipkerliktiń kez kelgen sýbektisi baǵdarlamaǵa qatysýshy bola alatyndyǵyn jáne jeńildetilgen qarjylandyrý alatyndyǵyn bildiredi. Bir kásipkerge kredittik qoldaý mólsheri 7 mlrd teńgege deiin ulǵaityldy, ainalym qarajatyn qarjylai tolyqtyrý aitarlyqtai keńeitildi. Baǵdarlama aiasynda ainalym qarajatyn tolyqtyrý 500 mln teńgege deiin ulǵaityldy jáne jańartylyp otyrady. Bul rette saýda qyzmetindegi sýbektiler úshin ainalym qarajatyn tolyqtyrý 100 mln teńgege deiin jetedi. Kepildendirý quraly boiynsha kredit somasy 1 mlrd teńgege deiin ulǵaityldy. Kepil kólemi 50 paiyzdan aspaityn bolady. Bul rette 360 mln teńgege deiingi kreditter zaim somasynyń 85 paiyzyna deiin kepilmen jabylady»,- dedi Jasulan Mədiev.
