Ulttyq ekonomika ministri Rýslan Dálenov elimizde biznesti qoldaýdyń jańa baǵyty týraly baiandady, dep habarlaidy QazAqparat.
«Shaǵyn biznesti qoldaý mańyzdy bolyp otyr. Kreditter men kepilge qoljetimdilik máselesin sheshý – shaǵyn jáne orta biznestiń, ásirese, mikrobiznestiń damý faktory. Sondyqtan «Biznestiń jol kartasy - 2025» membaǵdarlamasyna «mikro jáne shaǵyn biznesti mikrokreditteý» jańa baǵyty qosylady», - dedi ministr onlain rejimde halyq aldynda esep berý barysynda.
Jańa baǵyt 6 paiyzdan aspaityn mólsherleme boiynsha sýbsidiialaý arqyly qarjylandyrýdy kózdeidi. Nesie kólemi ainalymdaǵy quraldardy tolyqtyrýǵa 5 mln teńgege deiin, óndiristik qajettilikke 20 mln teńgege deiin beriledi. Bul mikrobiznes ókilderin keń kólemde qamtýǵa múmkindik beredi.
Sonymen qatar, biznes sýbektileri kepiliniń jetkiliksizdigi jónindegi másele de sheshimin tapty. Damý qory negizgi zaimnyń 85 paiyzyna deiin kepildendiredi.
«Jańa baǵyt «Biznestiń jol kartasy - 2025» membaǵdarlamasyna ózgerister engizýdi, sondai-aq, rásimder men ekinshi deńgeili bankterdi tartýdy talap etedi. Sondyqtan, jańa baǵytty osy ai ishinde iske qosý josparlanyp otyr», - dedi Dálenov.
