QR Premer-Ministri Álihan Smaiylov otandyq biznestiń damýyna kedergi keltiretin jaittardy atap berdi, dep habarlaidy QazAqparat.
Úkimet basshysy Álihan Smaiylov elordada ótip jatqan «Atameken» ulttyq kásipkerler palatasynyń kezekten tys IH sezine qatysty.
«Búgingi tańda biznestiń damýyna retteýshi júie jáne shamadan tys ákimshilik júkteme kedergi bolyp otyr. Bizneske túsetin júktemeni azaitý úshin jaqynda kásipkerlik salasynda jańa retteýshilik saiasatty engizý máseleleri boiynsha zań qabyldandy. Úkimet «Atameken» UKP-men birlesip, saýda, aýyl sharýashylyǵy, kólik, qoǵamdyq tamaqtaný, turý jáne tamaqtaný siiaqty salalar boiynsha retteýshi aktiler men bizneske qoiylatyn talaptardy taldaý boiynsha jumysty bastady», - dedi sezde Álihan Smaiylov.
Premer-Ministrdiń málimdeýinshe, memlekettik organdardyń bizneske qatysty retteýshi aktileri jeńildei túsedi.
«Búginde 424 normativtik-quqyqtyq akt qaraldy. Onda 17,5 myńǵa jýyq talap belgilengen, onyń 40% - dan astamy artyq jáne tiisinshe joiylýy tiis. Sondai-aq, basqa salalar boiynsha da talaptarǵa reviziia júrgiziledi. Osy jumystyń qorytyndysy boiynsha memlekettik organdardyń retteýshi aktileri ońtailandyrylady», - deidi ol.
