Depýtat Dáýren Ádilbekov Senat otyrysynda Úkimet basshysy Álihan Smaiylovtyń atyna depýtattyq saýal joldap, onda shaǵyn jáne orta biznesti memlekettik qoldaý tetikteriniń tiimdiligin arttyrý sharalaryn atady, dep habarlaidy QazAqparat.
Senator túrli ákimshiler kásipkerlerge memlekettik qoldaý kórsetetinin atap ótti. Sonyń nátijesinde biznesmender ártúrli operatorlardyń alýan túrli kóptegen kózderinen memleket olarǵa qandai qoldaý baǵdarlamalaryn usynatyny týraly aqparat alýǵa májbúr. Bul, depýtattyń pikirinshe, biznes úshin aqparattyń qoljetimdiligin tómendetedi, sondyqtan kásipkerler tarapynan narazylyq týdyrady.
«ShOB ókilderi memlekettik qoldaý sharalary men ony kórsetýdiń sharttary týraly ártúrli baǵdarlama operatorlarynan aqparat alady. Osylaisha, biznesti memlekettik qoldaýdyń kópqurylymdy tetikteri kásipkerler tarapynan narazylyq týdyryp otyr. Kásipkerlik sýbektilerine memlekettik qoldaý is-sharalarynyń tiimdiligin arttyrý maqsatynda Úkimetke memlekettik qoldaý sharalary operatorlarynyń sanyn qysqartý jáne biriktirý arqyly ońtailandyrý múmkindigin qarastyrýdy usynamyz», - dedi Dáýren Ádilbekov.
Senator osyǵan bailanysty ShOB-ty memlekettik qoldaýdyń biryńǵai aqparattyq portalyn qurý qajet dep sanaidy, onda kásipkerlerge qajetti barlyq aqparat jinaqtalatyn bolady.
D. Ádilbekov saýalynda sonymen birge memlekettik qoldaýdyń keibir baǵdarlamalary bir-birin qaitalaitynyn atap ótti. Depýtattyń usynysy – Úkimet taldaý júrgizip, biznesti qoldaýdyń tiimdi sharalaryn anyqtaýy kerek.
«Qazirgi ýaqytta ár ministrlik: UEM, AShM, IIDM, EHÁQM jáne basqalar ShOB-ti memlekettik qoldaý sharalaryn ár jaqtan basqaryp otyr. Barlyq salalarda kórsetiletin memlekettik qoldaýdyń barlyq is-sharasy boiynsha birde-bir memlekettik organ tolyq aqparat bere almady, árbir memlekettik organ tek óz salasynda ǵana aqparatqa ie. Memlekettik qoldaý is-sharalaryn usynýdyń qarapaiym, túsinikti tetikteri bar biryńǵai qaǵidalary qajet», - dedi senator.
