Qazaqstandyq prodiýser Baian Alagózova Almatydaǵy Ortalyq stadionda ótken Kane Ýesttiń kontsertine qatysty pikir bildirdi, dep habarlaidy ult.kz.
Onyń aitýynsha, KeshYOU tobynyń kontserti kezinde otshashý qoldanýǵa ruqsat suralǵanymen, ótinish qabyldanbaǵan. Al 15 tamyzda ótken Kane Ýesttiń shoýynda otshashý men basqa da arnaiy effektiler qoldanyldy.
«Bizdikilerge kelgende – bolmaidy deidi. Al Kanege ruqsat», – dep jazdy prodiýser Threads jelisinde.
Alagózovanyń jazbasy jelide qyzý talqyǵa túsip, kei qoldanýshylar ony synady. Prodiýser óz sózinen bas tartpaitynyn aityp, másele ósek emes, oryndaýshylarǵa jasalǵan qarym-qatynastaǵy teńsizdikte ekenin jetkizdi.
Keiin ol pikirtalasty toqtatýǵa shaqyryp, KeshYOU-dyń Astanadaǵy aldaǵy kontsertine kórermenderdi shaqyrdy.
