قازاقستاندىق پروديۋسەر بايان الاگٶزوۆا الماتىداعى ورتالىق ستاديوندا ٶتكەن كانە ۋەستتٸڭ كونتسەرتٸنە قاتىستى پٸكٸر بٸلدٸردٸ, دەپ حابارلايدى ult.kz.
ونىڭ ايتۋىنشا, KeshYOU توبىنىڭ كونتسەرتٸ كەزٸندە وتشاشۋ قولدانۋعا رۇقسات سۇرالعانىمەن, ٶتٸنٸش قابىلدانباعان. ال 15 تامىزدا ٶتكەن كانە ۋەستتٸڭ شوۋىندا وتشاشۋ مەن باسقا دا ارنايى ەففەكتٸلەر قولدانىلدى.
«بٸزدٸكٸلەرگە كەلگەندە – بولمايدى دەيدٸ. ال كانەگە رۇقسات», – دەپ جازدى پروديۋسەر Threads جەلٸسٸندە.
الاگٶزوۆانىڭ جازباسى جەلٸدە قىزۋ تالقىعا تٷسٸپ, كەي قولدانۋشىلار ونى سىنادى. پروديۋسەر ٶز سٶزٸنەن باس تارتپايتىنىن ايتىپ, مەسەلە ٶسەك ەمەس, ورىنداۋشىلارعا جاسالعان قارىم-قاتىناستاعى تەڭسٸزدٸكتە ەكەنٸن جەتكٸزدٸ.
كەيٸن ول پٸكٸرتالاستى توقتاتۋعا شاقىرىپ, KeshYOU-دىڭ استاناداعى الداعى كونتسەرتٸنە كٶرەرمەندەردٸ شاقىردى.
