20 qarasha – elimizde ótetin kezekten tys Prezident sailaýyna orai «Qazaqstan» teleradiokorporatsiiasy 16 saǵattyq telemarafon uiymdastyrady, dep habarlaidy "Ult aqparat".
Otandyq tele-radio arnalar men olardyń internet resýrstary jáne áleýmettik jelilerde tikelei efirde kórsetiletin shara tańǵy saǵat 09:00-den bastalyp túngi 01:00-ge deiin jalǵasady.
Marafonǵa saiasatkerler, saiasattanýshylar men depýtattar, qoǵam qairatkerleri, mádeniet, sport salasynyń ókilderi, belsendi jastar jáne blogerler qatysady. Jobany elimizge esimi keńinen tanymal 27 telejýrnalist júrgizedi.
Telemarafonda túrli taqyryptarda diskýssiialar uiymdastyrylyp, elimizdiń barlyq aimaǵynan jáne shetelderden tikelei qosylymdar jasalady.
Sondai-aq elektorattyń saiasi belsendiligi boiynsha saǵat saiyn baspasóz konferentsiialary uiymdastyrylyp, halyqaralyq baiqaýshylar, sarapshylar, Bas prokýratýra, Ishki ister ministrliginiń ókilderi daýys berý barysy boiynsha sońǵy aqparattarmen bólisip otyrady. Marafonnyń TED-x formatyndaǵy alańynda QR Oqý-aǵartý ministri Ashat Aimaǵambetov, QR Ǵylym jáne joǵary bilim ministri Saiasat Nurbek, QR Tsifrlyq damý jáne aeroǵarysh ónerkásibi ministri Baǵdat Mýsin, «Qazaqstandyq Nik Výichich» Áli Turǵanbekov jáne basqa da tanymal tulǵalardyń motivatsiialyq monologtary josparlanǵan. Al «Ekspress-kamera» alańynda jýrnalisterge marafonǵa qatysatyn 1500-den astam qonaqpen suhbat júrgizýge múmkindik jasalady.
Shara barysynda Miras Júginisov, Dastan Orazbekov, Marjan Arapbaeva, Rúhiia Baidúkenova, Mádi Syzdyqov, Sadraddin, Kaliforniia syndy sahna juldyzdary men tanymal stendaperler óner kórsetedi. Onlain marafon 20 qarasha kúni Astana qalasy «Qazmedia ortalyǵynyń» kinokontsert zalynda ótedi.
