“Salafilikke tyiym salý kerek!” dep, bizdiń bir top ziialylymyz memleket basshysyna ashyq hat jazdy, ol birsypyra gazetterde basyldy da. Sodan keiin “Salafilik aǵymǵa zańmen tyiym salynady eken, depýtattar zań jobasyn talqylap jatyr...” dep estidik. Osy bir-eki kúnde “Salafilik aǵymǵa tyiym salynbaityn bolypty! Parlament bul jóninde zań qabyldamaidy eken” dep estidik. Sodan bir baýyrym mektep direktory (aty-jónin ádeii aitpai otyrmyn) bolyp isteýshi edi, osynyń jaiyn sol baýyrymnan suradym.
–Oi, aǵa, qazirgi kúni Qazaqstanda salafitterge eshkimniń kúshi jetpeidi. Ózbekstan sekildi biz de olardy osydan on jyl buryn tunshyqtyrýymyz kerek edi. Bizdiń qazir olarǵa álimiz de kelmeidi, shamamyz da jetpeidi!– dep qar-a-ap tur.
Meniń joǵary bilimim joq. Biraq qulaǵym túrik, kókiregim oiaý. Neniń de bolsa syryn, sipatyn, bolyp jatqan oqiǵalardyń barysyn bilgim kep turady.
–“Shamasy jetpegeni” nesi? Ne sonda, salafitterge memlekettiń de shamasy jetpei me?– dep suradym.
Mektep direktorynyń aitýynsha, qazirgi kúni salafitter Qazaqstanda tamyryn tym tereńge jiberip, ábden kúsheiip alǵan. Bailar da osylardyń ishinde, asa jaýapty ári laýazymdy qyzmet isteitinder de osylardyń ishinde.
Qysqasy, salafitter – biz siiaqty jalańaiaqtar emes, kileń yǵailar men syǵailar eken. Onyń ústine bular – óte uiymshyl. Birin-biri qoldap, qýattap, qandai iske kirisse de kúsh biriktire jumylady. Bul joly da olar kúsh biriktire qimyldap, qabyldanaiyn dep turǵan zańdy qabyldattyrmai tastapty.
Tek mektep direktorynan ǵana emes, bul jóninde taǵy biraz kózi ashyq kisilerden suradym. Olar da osyny aitty.
Demek, biz salafitterdi emes, salafitter bizdi jeńdi. Solai ǵoi? Endi biz salafitterdiń jemine ainalamyz ba? Buǵan kim naqty jaýap beredi?
Saǵatbek ELEMESULY,
Kentaý qalasy.
"Jas Alash" gazeti
