Sýret: akorda.kz
Memleket basshysy 31 mamyr – Saiasi qýǵyn-súrgin jáne asharshylyq qurbandaryn eske alý kúnine orai H áleýmettik jelisindegi paraqshasynda arnaiy jazba jariialady.
Memleketimiz qýǵyn-súrginnen jazyqsyz japa shekken jandardy aqtaý, tól tarihymyzdyń aqtańdaq betterin obektivti ári tyńǵylyqty zerdeleý jumystaryna basa mán berip otyr.
"Biz jyl saiyn 31 mamyr kúni ótken ǵasyrdaǵy saiasi qýǵyn-súrgin jáne asharshylyq qurbandaryn eske alamyz.
Biz ótken zamandaǵy qasiretti oqiǵalardan taǵylym alyp, ony ult jadynda saqtai bilýimiz kerek. Sonda ǵana kez kelgen synaqtan súrinbei ótip, ádiletti memleket jáne órkenietti qoǵam qurý jolyndaǵy biik belesterdi baǵyndyra alamyz", – dep jazdy Prezident.
