Energetika vitse-ministri Jandos Nurmaǵanbetov Qazaqstan Ózbekstan men Qyrǵyzstanǵa qansha elektr energiiasyn eksporttaitynyn aitty, dep habarlaidy Sputnik Qazaqstan.
Senat otyrysynda "EAEO týraly shartqa ortaq elektr energetikasy naryǵyn qalyptastyrýǵa qatysty ózgerister engizý týraly hattamany ratifikatsiialaý týraly" zań jobasyn talqylaý barysynda depýtat Rysqali Ábdikerov elektr energiiasy tapshylyǵy máselesin qozǵady. Ol Qazaqstanda óndiriletin elektr energiiasy Ortalyq Aziianyń energetikalyq júiesi arqyly Ózbekstan men Qyrǵyzstanǵa satyla ma dep surady.
Energetika vitse-ministriniń aitýynsha, aldyńǵy jyldary Qazaqstan Ózbekstanǵa 1 milliard kVt/saǵ deiin elektr energiiasyn satyp otyrǵan. Alaida 2021 jyly Qazaqstan mainingtik fermalardyń kesirinen qiyndyqqa tap boldy. Sol sebepti Ózbekstanǵa eksport toqtap qalǵan.
"Al Qyrǵyzstanǵa memleketaralyq kelisim boiynsha biz qys jáne kúz ailarynda elektr energiiasyn jiberemiz. Óz tarapynan qyrǵyz baýyrlarymyz bizge kóktemde jáne jazda sý jiberedi", - dep jaýap berdi Nurmaǵanbetov.
Aitýynsha, eki el úkimetteri arasynda bekitilgen shartqa sáikes Qazaqstan 900 million kVt/saǵ elektr energiiasyn Qyrǵyzstanǵa eksporttady.
Qyrǵyzstan muny úsh jylda 300 million kVt/saǵ-tan, iaǵni 300 million tekshe sý kóleminde Qazaqstanǵa qaitarady, dedi vitse-ministr.
