Taiaýda ǵana QR Joǵarǵy sotynyń tóraǵasy bolyp taǵaiyndalǵan Jaqyp Asanov Prezident Nursultan Nazarbaev onyń aldyna qandai mindetter qoiǵanyn aitty, dep habarlaidy Ult.kz tilshisi Sputnik Qazaqstan agenttigine silteme jasap.
"Elbasy meni osy qyzmetke usyna otyryp, aldyma basty mindet qoidy – adamdardyń sotqa degen senimin arttyrý. Zańnyń ústemdigi azamattar sottyń ádil sheshimin alǵan kezde ǵana qamtamasyz etiledi, olardyń quqyqtary tolyǵymen qorǵalady. Al qazir bul jóninde aitý áli erte. Bul - meniń sózderim emes, muny Memleket basshysy ótken jyldyń jazynda aitqan bolatyn", — dedi Asanov.
Joǵarǵy sot tóraǵasy búgingi baiandamasynyń sýdialar men advokattardyń usynystarynan turatynyn, solardyń pikirin jetkizetinin atap ótti.
"Áriptester, meniń sizderge aitarym bar. Meniń baiandamamda sýdialar men advokattardyń usynystary toptastyrylǵan. Bylaisha aitqanda, meniń baiandamam ózekti taqyryptar boiynsha túsken ideialardyń yqsham túiini. Bul tek sýdialar men advokttardyń pikiri ekenin eskerseńizder boldy. Men tek solardyń usynystaryn jetkizemin", — dedi ol.
"Basshylyqqa taiaýda kelgendikten, sot júiesiniń qandai da bir kemshin tustary týraly aitý jón bolmas. Onyń ústine túbegeili ózgeristerdi jariia etý. Biraq men bir nárseni atap ótkim keledi, biz eshqandai reforma usynbaimyz. Sýdialardyń jetinshi sezinde Prezident bergen naqty tapsyrmalar bar. Osy boiynsha jumysymyzdy jalǵastyramyz", — dedi Asanov.
