تاياۋدا عانا قر جوعارعى سوتىنىڭ تٶراعاسى بولىپ تاعايىندالعان جاقىپ اسانوۆ پرەزيدەنت نۇرسۇلتان نازارباەۆ ونىڭ الدىنا قانداي مٸندەتتەر قويعانىن ايتتى, دەپ حابارلايدى ۇلت.كز تٸلشٸسٸ Sputnik قازاقستان اگەنتتٸگٸنە سٸلتەمە جاساپ.
"ەلباسى مەنٸ وسى قىزمەتكە ۇسىنا وتىرىپ, الدىما باستى مٸندەت قويدى – ادامداردىڭ سوتقا دەگەن سەنٸمٸن ارتتىرۋ. زاڭنىڭ ٷستەمدٸگٸ ازاماتتار سوتتىڭ ەدٸل شەشٸمٸن العان كەزدە عانا قامتاماسىز ەتٸلەدٸ, ولاردىڭ قۇقىقتارى تولىعىمەن قورعالادى. ال قازٸر بۇل جٶنٸندە ايتۋ ەلٸ ەرتە. بۇل - مەنٸڭ سٶزدەرٸم ەمەس, مۇنى مەملەكەت باسشىسى ٶتكەن جىلدىڭ جازىندا ايتقان بولاتىن", — دەدٸ اسانوۆ.
جوعارعى سوت تٶراعاسى بٷگٸنگٸ بايانداماسىنىڭ سۋديالار مەن ادۆوكاتتاردىڭ ۇسىنىستارىنان تۇراتىنىن, سولاردىڭ پٸكٸرٸن جەتكٸزەتٸنٸن اتاپ ٶتتٸ.
"ەرٸپتەستەر, مەنٸڭ سٸزدەرگە ايتارىم بار. مەنٸڭ باياندامامدا سۋديالار مەن ادۆوكاتتاردىڭ ۇسىنىستارى توپتاستىرىلعان. بىلايشا ايتقاندا, مەنٸڭ باياندامام ٶزەكتٸ تاقىرىپتار بويىنشا تٷسكەن يدەيالاردىڭ ىقشام تٷيٸنٸ. بۇل تەك سۋديالار مەن ادۆوكتتاردىڭ پٸكٸرٸ ەكەنٸن ەسكەرسەڭٸزدەر بولدى. مەن تەك سولاردىڭ ۇسىنىستارىن جەتكٸزەمٸن", — دەدٸ ول.
"باسشىلىققا تاياۋدا كەلگەندٸكتەن, سوت جٷيەسٸنٸڭ قانداي دا بٸر كەمشٸن تۇستارى تۋرالى ايتۋ جٶن بولماس. ونىڭ ٷستٸنە تٷبەگەيلٸ ٶزگەرٸستەردٸ جارييا ەتۋ. بٸراق مەن بٸر نەرسەنٸ اتاپ ٶتكٸم كەلەدٸ, بٸز ەشقانداي رەفورما ۇسىنبايمىز. سۋديالاردىڭ جەتٸنشٸ سەزٸندە پرەزيدەنت بەرگەن ناقتى تاپسىرمالار بار. وسى بويىنشا جۇمىسىمىزدى جالعاستىرامىز", — دەدٸ اسانوۆ.
