QR Prezidenti Nursultan Nazarbaev otandyq kýrortty aimaqtardyń keleshegi týraly aitty, dep habarlaidy QazAqparat tilshisi.
«Býrabai kýrorty demalýǵa kelgen týristerdiń arqasynda turǵyndarǵa tabys, memleketke paida ákeletin bolady», - dedi Memleket basshysy Shýchinskide jańadan ashylǵan shańǵy bazasyn aralap kórgennen keiin.
Sonymen qatar, Elbasy Qazaqstandaǵy ózge týristik aimaqtar men olardyń perspektivalary týraly óziniń oiymen bólisti.
"Býrabaidan keiin Imantaý-Shalqar kýrortty aimaqtary bar. Pavlodar oblysynda Baianaýyl kýrortynyń áleýeti zor. Túrkistan erekshe mańyzǵa ie. Qalany tez arada damytyp salatyn bolamyz. Ol jerde jaqsy týristik ortalyq qalyptastyrýmyz kerek. Týrizm Túrkistanda qazirdiń ózinde bar. Ár jyl saiyn oǵan 1,5 mln-ǵa jýyq týrister keledi", - dep atap ótti N.Nazarbaev.
Memleket basshysy Almatydaǵy taý-shańǵysy kýrorty jáne Sharyn shatqaly týraly aitty.
«Eger biz infraqurylymdy salatyn bolsaq, bul sandy ulǵaitýǵa bolady. Almaty oblysynda taý-shańǵysy kýrorty týraly aityp otyrmyz. Ony aldaǵy ýaqytta damytý qajet. Bul jóninde jospar da, ideia da bar. Sharyn shatqalyn elimizde bilmeitin adam kemde kem. Tipti sheteldikterdiń ózi ony Soltústik Amerikadaǵy ataqty shatqalmen salystyrady. Biz elimizdiń sulý tabiǵaty týraly jii aita bermeimiz. Sondyqtan, muny myqtap qolǵa alý qajet», - dedi Elbasy.
.jpeg)