قر پرەزيدەنتٸ نۇرسۇلتان نازارباەۆ وتاندىق كۋرورتتى ايماقتاردىڭ كەلەشەگٸ تۋرالى ايتتى, دەپ حابارلايدى قازاقپارات تٸلشٸسٸ.
«بۋراباي كۋرورتى دەمالۋعا كەلگەن تۋريستەردٸڭ ارقاسىندا تۇرعىندارعا تابىس, مەملەكەتكە پايدا ەكەلەتٸن بولادى», - دەدٸ مەملەكەت باسشىسى ششۋچينسكٸدە جاڭادان اشىلعان شاڭعى بازاسىن ارالاپ كٶرگەننەن كەيٸن.
سونىمەن قاتار, ەلباسى قازاقستانداعى ٶزگە تۋريستٸك ايماقتار مەن ولاردىڭ پەرسپەكتيۆالارى تۋرالى ٶزٸنٸڭ ويىمەن بٶلٸستٸ.
"بۋرابايدان كەيٸن يمانتاۋ-شالقار كۋرورتتى ايماقتارى بار. پاۆلودار وبلىسىندا باياناۋىل كۋرورتىنىڭ ەلەۋەتٸ زور. تٷركٸستان ەرەكشە ماڭىزعا يە. قالانى تەز ارادا دامىتىپ سالاتىن بولامىز. ول جەردە جاقسى تۋريستٸك ورتالىق قالىپتاستىرۋمىز كەرەك. تۋريزم تٷركٸستاندا قازٸردٸڭ ٶزٸندە بار. ەر جىل سايىن وعان 1,5 ملن-عا جۋىق تۋريستەر كەلەدٸ", - دەپ اتاپ ٶتتٸ ن.نازارباەۆ.
مەملەكەت باسشىسى الماتىداعى تاۋ-شاڭعىسى كۋرورتى جەنە شارىن شاتقالى تۋرالى ايتتى.
«ەگەر بٸز ينفراقۇرىلىمدى سالاتىن بولساق, بۇل ساندى ۇلعايتۋعا بولادى. الماتى وبلىسىندا تاۋ-شاڭعىسى كۋرورتى تۋرالى ايتىپ وتىرمىز. ونى الداعى ۋاقىتتا دامىتۋ قاجەت. بۇل جٶنٸندە جوسپار دا, يدەيا دا بار. شارىن شاتقالىن ەلٸمٸزدە بٸلمەيتٸن ادام كەمدە كەم. تٸپتٸ شەتەلدٸكتەردٸڭ ٶزٸ ونى سولتٷستٸك امەريكاداعى اتاقتى شاتقالمەن سالىستىرادى. بٸز ەلٸمٸزدٸڭ سۇلۋ تابيعاتى تۋرالى جيٸ ايتا بەرمەيمٸز. سوندىقتان, مۇنى مىقتاپ قولعا الۋ قاجەت», - دەدٸ ەلباسى.
.jpeg)