Resei prezidenti Vladimir Pýtin Aziiada jańa kúshter nyǵaiyp kele jatqanyn málimdedi, dep habarlaidy Sputnik Qazaqstan.
Pýtin AÓSShK altynshy sammiti jahandyq saiasat pen ekonomikanyń ózgergen tusynda ótip jatqanyn atap ótti.
"Álem shyn máninde kóppoliarly álemge ainaldy. Aziia basty ról oinai bastady. Bul jerde jańa kúshter nyǵaiyp jatyr. Aziia óńiriniń elderi álemdik ekonomikalyq arnanyń lokomotivi sanalady", - dedi Pýtin AÓSShK altynshy sammitinde.
Ol Aziia óńirinde Shanhai yntymaqtastyq uiymy, Ońtústik Shyǵys Aziia elderi qaýymdastyǵy, Eýraziialyq ekonomikalyq odaq siiaqty integratsiialyq birlestikter jumys isteitinin aitty.
"Barlyq osy protseske Resei de belsene qatysyp júr. Biz Aziianyń gúldenýi men damýyn, ózara saýda jáne investitsiialyq yntymaqtastyqty, ekonomikanyń túrli salalarynda kooperatsiialyq bailanystardy tereńdetý úshin keń ashyq keńistik qurýdy qoldaimyz", - dedi Pýtin.
