Qazaqstan Aýǵanstandaǵy jaǵdaidyń rettelýi arqyly osy eldiń naryǵyna shyǵyp, Úndi muhityndaǵy saýda baǵyttaryna qol jetkizgisi keledi. Bul týraly "Habar-24" arnasynan transliatsiialanǵan Bloomberg portalyna bergen suhbatynda Elbasy Nusultan Nazarbaev málimdedi.
Ol Aýǵanstannyń NATO jáne AQSh kómegine súiene otyryp, el aýmaǵynda óz kúshimen tártip ornatyp jatqany mańyzdy ekenin atap ótti. "Men muny NATO men amerikalyq saiasattyń ońdy tusy dep oilaimyn. Kezdseý kezinde Aýǵanstan prezidentiniń aitýy boiynsha, barlyq aýmaqty ózderi qadaǵalap otyr. Biraq, qiyn aýmaqtar bar, eldiń ońtústiginde, banditter "Taliban" qaldyqtary júrgen aýmaqta. Aýǵanstan qazir óz kúshimen tártip saqtai alady. Degenmen, barlyq elder oqys jaǵdailarǵa daiyn otyrý kerek", - deidi Nazarbaev.
Ol Aýǵanstanda 1979 jyldan beri azamattyq soǵys júrip jatqanyn atap ótti. "40 jyl buryn dúniege kelgen adam Kalashnikov vintovkasyn ustaýdan ózge eshteme bilmeidi. Kásiporyn salyp, jastarǵa jumys ornyn berýdi. Olar apiyn maktaryn ekpei, burynǵysynsha kúrish pen júgeri egý úshin. Osy bizdiń ortaq mindetimiz. Aýǵanstan resýrsqa bai. Investitsiia tartyp, adamdarǵa jumys berip, ol jerde jaqsy memleket qurý - bizdiń armanymyz. Óitkeni bul bizdiń aimaq. Biz Aýǵanstan arqyly Pákistanǵa, Úndistan jáne Úndi muhityna shyqqymyz keledi. Bul keremet bolar edi", - dedi Nazarbaev.
.jpeg)