Qańtar oqiǵalary týraly naqty málimetti jariialap, oǵan baǵa berý óte mańyzdy. Bul týraly QR Prezidenti Qasym-Jomart Toqaev Qazaqstan halqyna Joldaýynda aitty, dep habarlaidy QazAqparat.
«Ashyǵyn aitsaq, qazir qoǵamda túrli qaýeset taraýda. Bul ahýal jalǵan túsinistik qalyptastyryp, eldi adastyrady. Sondyqtan ótken oqiǵalar týraly naqty málimetti jariialap, oǵan baǵa berý óte mańyzdy. Tipti, qasietti paryzymyz deýge bolady. Jurt onyń astaryna úńilip, sebebin tereń túsinýi qajet. Kúni keshe ǵana Parlament qabyrǵasynda arnaiy tyńdaý ótti. Onda quqyq qorǵaý organdary tergeý qorytyndylary týraly tolyq esep berdi. Týrasyn aitqanda mundai keń aýqymdy talqylaý eshqashan bolmaǵan», - dedi Memleket basshysy.
Prezident talqylaý barysynda depýtattarǵa jáne buqaralyq aqparat quraldaryna bári ashyq aitylǵanyn atap ótti.
«Qoǵamdy mazalaǵan suraqtarǵa jaýap berildi. Bul qańtar oqiǵasyna ádil baǵa berýge eń aldymen biliktiń múddeli ekenin kórsetedi. Men muny tolyq qoldaimyn. Biz aqiqatty aitýymyz kerek. Bul - meniń jeke qaǵidatym. Qazir tergeý jumystary júrgizilip jatyr. Osy máselemen arnaiy mekemearalyq shuǵyl tergeý toby ainalysýda. Quqyq qorǵaý organdaryna jasalyp jatqan jumys nátijesin únemi jariialap otyrýdy tapsyramyn» - dedi Toqaev.
