Almaty oblysynda biylǵy jyly qant qyzylshasynyń alqaby 9 myń gektarǵa jetti. Odan 350 myń tonna, iaǵni rekordtyq ónim alynady dep josparlanyp otyr. Bul týraly oblys ákimi Amandyq Batalov Ortalyq kommýnikatsiialar qyzmetinde ótken brifing kezinde aitty.
Atap ótsek, Kóksý qant zaýyty úsh jyl qatarynan jańǵyrtýdan ótti, 10 jyl toqtap turǵan Aqsý qant zaýyty biylǵy jyly qalpyna keltirilip, 40 myń tonna qant qyzylshasyn qabyldady. «Jetisý» ÁÁK-ni tarta otyryp, 18 servistik daiyndaý ortalyqtary quryldy. Osynyń barlyǵy qant óndirisine oń yqpal etetin bolady. Zamanaýi aýyl sharýashylyǵy tehnikalary men elitalyq tuqym paidalanýdyń nátijesinde jekelegen sharýa qojalyqtarynda ónim ár gektarynan 500-700 tsentnerge deiin jetýde. Sóitip, biylǵy jyldyń ónimi 350 myń tonnany quraidy dep boljanyp otyr.
- 35 myń tonna qant alsaq, óńirdiń qantqa degen suranysyn tolyq jaba alamyz. Bizdiń maqsatymyz – oblystyń ǵana emes, elimizdiń qantqa degen qajettiligin tolyq qamtamasyz etý, - dedi A. Batalov.
