الماتى وبلىسىندا بيىلعى جىلى قانت قىزىلشاسىنىڭ القابى 9 مىڭ گەكتارعا جەتتٸ. ودان 350 مىڭ توننا, ياعني رەكوردتىق ٶنٸم الىنادى دەپ جوسپارلانىپ وتىر. بۇل تۋرالى وبلىس ەكٸمٸ اماندىق باتالوۆ ورتالىق كوممۋنيكاتسييالار قىزمەتٸندە ٶتكەن بريفينگ كەزٸندە ايتتى.
اتاپ ٶتسەك, كٶكسۋ قانت زاۋىتى ٷش جىل قاتارىنان جاڭعىرتۋدان ٶتتٸ, 10 جىل توقتاپ تۇرعان اقسۋ قانت زاۋىتى بيىلعى جىلى قالپىنا كەلتٸرٸلٸپ, 40 مىڭ توننا قانت قىزىلشاسىن قابىلدادى. «جەتٸسۋ» ەەك-نٸ تارتا وتىرىپ, 18 سەرۆيستٸك دايىنداۋ ورتالىقتارى قۇرىلدى. وسىنىڭ بارلىعى قانت ٶندٸرٸسٸنە وڭ ىقپال ەتەتٸن بولادى. زاماناۋي اۋىل شارۋاشىلىعى تەحنيكالارى مەن ەليتالىق تۇقىم پايدالانۋدىڭ نەتيجەسٸندە جەكەلەگەن شارۋا قوجالىقتارىندا ٶنٸم ەر گەكتارىنان 500-700 تسەنتنەرگە دەيٸن جەتۋدە. سٶيتٸپ, بيىلعى جىلدىڭ ٶنٸمٸ 350 مىڭ توننانى قۇرايدى دەپ بولجانىپ وتىر.
- 35 مىڭ توننا قانت الساق, ٶڭٸردٸڭ قانتقا دەگەن سۇرانىسىن تولىق جابا الامىز. بٸزدٸڭ ماقساتىمىز – وبلىستىڭ عانا ەمەس, ەلٸمٸزدٸڭ قانتقا دەگەن قاجەتتٸلٸگٸن تولىق قامتاماسىز ەتۋ, - دەدٸ ا. باتالوۆ.
