2020 jylǵy qańtar-sáýirde elimizde infliatsiia 3,2 paiyz boldyarzandady, dep habarlaidy "Ult aqparat".
«2020 jylǵy qańtar-sáýirde Qazaqstan Respýblikasynda infliatsiia 3,2 paiyz boldy. Baǵa azyq-túlik taýarlaryna osy jylǵy 4 aida – 5,5, azyq-túlik emes taýarlaryna – 1,7, aqyly qyzmetterge 1,5 paiyz joǵarylady», - delingen QR UEM Statistika komiteti taratqan aqparatta.
Jyl basynan baǵanyń ósýi kókónisterge – 24,9, qumshekerge – 13,6, jemisterge – 12,5, jarmalarǵa – 8,4, sary maiǵa – 6,1, qoi etine – 5,4, makaron ónimderine, jylqy etine, siyr etine – 4,9, et ónimderine – 4,8, unǵa – 4,2, muzdatylǵan balyqqa – 4,1, máiekti irimshikke – 3,7, pasterlengen sútke – 3,2, shoshqa etine – 2,9, súzbege, shujyq ónimderine – 2,8, qyshqyl sút ónimderine – 2,7, toqash jáne unnan daiyndalatyn ónimderge – 2,3, shaiǵa – 1,9, nanǵa 1,7 paiyz belgilendi. Temeki ónimderi – 4,7, mineraldy jáne as sý – 3,4, salqyndatylǵan sýsyndar 2,3 paiyz qymbattady. Baǵanyń tómendeýi kúrishke – 2,5, sókke 1,3 paiyz tirkeldi.
Baǵa ósimi dári-dármekke – 4, jeke qoldanylatyn taýarlarǵa, jýǵysh jáne tazalaǵysh quraldarǵa – 3,8, avtomobilderge – 2,6, turmystyq aspaptarǵa 2,2 paiyzdy qurady. Benzin 4,1 paiyz qymbattasa, dizel otyny 2,2 paiyz arzandady.
Baǵa deńgeii quqyqtyq, jeke kólik quraldaryn saqtandyrý qyzmetterine – 10, mektepke deiingi balalar mekemesiniń qyzmetterine – 2,2, kabeldik televiziia qyzmetterine – 1,9, densaýlyq qyzmetterine 1,5 paiyz ósti. Internet jelisine qosylý úshin abonenttik tólem 2 paiyz joǵarylady. Taksimen jol júrý aqysy 4,2 paiyz qymbattady.
Turǵyn úi-kommýnaldyq qyzmetter salasynda tarifter qoqys shyǵarýǵa 6,2 paiyzǵa ósti, al kárizge – 2,7, sýyq sýǵa 1,8 paiyz tómendedi.
