Foto: Ashyq derekkóz
Elimizde «2026-2028 jyldarǵa arnalǵan respýblikalyq biýdjet týraly» zań kúshine endi. Endi biyl birqatar tólem mólsheri ózgeredi, dep habarlaidy Ult.kz.
Qujatqa sáikes, 2026 jyldyń 1 qańtarynan bastap negizgi eseptik kórsetkishterdiń mólsheri belgilendi.
Atap aitqanda:
eń tómengi jalaqy mólsheri – 85 000 teńge (ózgerissiz);
ailyq eseptik kórsetkish (AEK) – 4 325 teńge (2025 jyly – 3 932 teńge);
memlekettik bazalyq zeinetaqy tóleminiń eń tómengi mólsheri – 35 596 teńge (2025 jyly – 32 360 teńge);
eń tómengi zeinetaqy mólsheri – 69 049 teńge (2025 jyly – 62 771 teńge);
kúnkóris minimýmy – 50 851 teńge (2025 jyly – 46 228 teńge).
Zańda jasyna bailanysty zeinetaqy tólemderi men eńbek sińirgen jyldary úshin taǵaiyndalatyn zeinetaqy tólemderine bólinetin qarajat 10 paiyzǵa arttyrýdy eskere otyryp qarastyrylǵany kórsetilgen.
Sondai-aq memleket tarapynan mindetti áleýmettik meditsinalyq saqtandyrý júiesine aýdarylatyn jarnalar mólsheri esepteý obektisiniń 2 paiyzy deńgeiinde belgilendi.
