Biylǵy 8 aida tótenshe jaǵdai oqiǵalary byltyrǵa qaraǵanda 11 paiyzǵa tómendedi. Bul týraly Ishki ister ministriniń orynbasary Iýrii Ilin málim etti, dep habarlaidy "Ult aqparat".
«Jalpy, 8900-den astam tótenshe jaǵdai oqiǵasy tirkelip, onyń ishinde 8100-den astamy órtke qatysty boldy. 10 myńnan astam adamdy qutqarý sharalary júrgizilip, 12 myńnan astamy qaýipsiz jerge kóshirildi. Alǵashqy meditsinalyq kómek 2700-den astam adamǵa kórsetildi», - dedi Iu. Ilin búgin Ortalyq kommýnikatsiialar qyzmetinde.
Jylytý maýsymy kezeńinde tótenshe jaǵdai oqiǵalarynyń kóbisi órt qaýpine bailanysty boldy.
«2019-2020 jyldar kezeńinde turǵyn úi sektorynda 5 myń órt tirkeldi. Bul óz kezeginde jalpy turǵyn úi qorynyń 0,2 paiyzy. Jeke turǵyn úilerde 1801 oqiǵa, kópqabatty úilerde 545 órt tirkeldi. Jylý berý maýsymynda jergilikti atuarýshy organdarmen birlese turǵyn úilerdi esepke alyp, olardy aralap shyǵamyz», - dedi Iu. Ilin.
