بيىلعى 8 ايدا تٶتەنشە جاعداي وقيعالارى بىلتىرعا قاراعاندا 11 پايىزعا تٶمەندەدٸ. بۇل تۋرالى ٸشكٸ ٸستەر مينيسترٸنٸڭ ورىنباسارى يۋريي يلين مەلٸم ەتتٸ, دەپ حابارلايدى "ۇلت اقپارات".
«جالپى, 8900-دەن استام تٶتەنشە جاعداي وقيعاسى تٸركەلٸپ, ونىڭ ٸشٸندە 8100-دەن استامى ٶرتكە قاتىستى بولدى. 10 مىڭنان استام ادامدى قۇتقارۋ شارالارى جٷرگٸزٸلٸپ, 12 مىڭنان استامى قاۋٸپسٸز جەرگە كٶشٸرٸلدٸ. العاشقى مەديتسينالىق كٶمەك 2700-دەن استام ادامعا كٶرسەتٸلدٸ», - دەدٸ يۋ. يلين بٷگٸن ورتالىق كوممۋنيكاتسييالار قىزمەتٸندە.
جىلىتۋ ماۋسىمى كەزەڭٸندە تٶتەنشە جاعداي وقيعالارىنىڭ كٶبٸسٸ ٶرت قاۋپٸنە بايلانىستى بولدى.
«2019-2020 جىلدار كەزەڭٸندە تۇرعىن ٷي سەكتورىندا 5 مىڭ ٶرت تٸركەلدٸ. بۇل ٶز كەزەگٸندە جالپى تۇرعىن ٷي قورىنىڭ 0,2 پايىزى. جەكە تۇرعىن ٷيلەردە 1801 وقيعا, كٶپقاباتتى ٷيلەردە 545 ٶرت تٸركەلدٸ. جىلۋ بەرۋ ماۋسىمىندا جەرگٸلٸكتٸ اتۇارۋشى ورگاندارمەن بٸرلەسە تۇرعىن ٷيلەردٸ ەسەپكە الىپ, ولاردى ارالاپ شىعامىز», - دەدٸ يۋ. يلين.
