Foto: Kazakh Tourism
Biylǵy 7 aida Qazaqstannyń ulttyq parkteri 2 millionǵa jýyq týristi qabyldady. Bul elimizdegi tabiǵi jáne ekotýrizmge degen qyzyǵýshylyqty kórsetedi, dep habarlaidy Ult.kz.
Kelýshiler sany boiynsha «Býrabai» memlekettik ulttyq tabiǵi parki kósh bastaidy. Biylǵy qańtar-shilde ailary ishinde parkke 600 myńnan astam týrist barǵan. Aqmola oblysynda ornalasqan bul ulttyq parkti qaraǵaily ormandardyń, jartastar men kólderdiń biregei úilesimine bailanysty «qazaqstandyq Shveitsariia" dep ataidy. Býrabai - otbasylyq, saýyqtyrý týrizmine jáne belsendi demalys túrlerine arnalǵan tanymal baǵyttardyń biri.
Ekinshi oryndy Almaty qalasyna jaqyn ornalasqan Ile-Alataý ulttyq parki ielendi. 7 aida onyń tabiǵi landshafttaryn 507 541 týrist tamashalady. Park aýmaǵy flora men faýnanyń alýan túrliligimen, taýdaǵy baǵyttarymen erekshelenedi jáne ekologiialyq týrizm boiynsha suranysqa ie oryndardyń biri.
Úshtikti Almaty oblysyndaǵy «Kólsai kólderi» ulttyq parki túiindeidi. Bul tabiǵi nysandy 350 myńnan astam adam aralaǵan. Onyń aýmaǵyndaǵy Kólsai men Qaiyńdy kólderi - parktyń basty tabiǵi nyshandary.
Týristerdiń sany boiynsha Sharyn jáne Baianaýyl ulttyq parkteri de bestikke kiredi.
Sharyn ulttyq parki Almaty oblysynda ornalasqan jáne biregei shatqalmen kópshilik arasynda tanymal. Oǵan fototýrizm, djip-týrlar men etnoekspeditsiialarmen ainalysatyn saiahatshylar jii keledi.
Baianaýyl - Pavlodar oblysynda ornalasqan jáne Qazaqstan aýmaǵynda qurylǵan alǵashqy ulttyq park. Bul aýmaq jumsaq klimatymen, taýly landshafttarmen jáne kólderimen erekshelenedi.
