فوتو: Kazakh Tourism
بيىلعى 7 ايدا قازاقستاننىڭ ۇلتتىق پاركتەرٸ 2 ميلليونعا جۋىق تۋريستٸ قابىلدادى. بۇل ەلٸمٸزدەگٸ تابيعي جەنە ەكوتۋريزمگە دەگەن قىزىعۋشىلىقتى كٶرسەتەدٸ, دەپ حابارلايدى Ult.kz.
كەلۋشٸلەر سانى بويىنشا «بۋراباي» مەملەكەتتٸك ۇلتتىق تابيعي پاركٸ كٶش باستايدى. بيىلعى قاڭتار-شٸلدە ايلارى ٸشٸندە پارككە 600 مىڭنان استام تۋريست بارعان. اقمولا وبلىسىندا ورنالاسقان بۇل ۇلتتىق پاركتٸ قاراعايلى ورمانداردىڭ, جارتاستار مەن كٶلدەردٸڭ بٸرەگەي ٷيلەسٸمٸنە بايلانىستى «قازاقستاندىق شۆەيتسارييا" دەپ اتايدى. بۋراباي - وتباسىلىق, ساۋىقتىرۋ تۋريزمٸنە جەنە بەلسەندٸ دەمالىس تٷرلەرٸنە ارنالعان تانىمال باعىتتاردىڭ بٸرٸ.
ەكٸنشٸ ورىندى الماتى قالاسىنا جاقىن ورنالاسقان ٸلە-الاتاۋ ۇلتتىق پاركٸ يەلەندٸ. 7 ايدا ونىڭ تابيعي لاندشافتتارىن 507 541 تۋريست تاماشالادى. پارك اۋماعى فلورا مەن فاۋنانىڭ الۋان تٷرلٸلٸگٸمەن, تاۋداعى باعىتتارىمەن ەرەكشەلەنەدٸ جەنە ەكولوگييالىق تۋريزم بويىنشا سۇرانىسقا يە ورىنداردىڭ بٸرٸ.
ٷشتٸكتٸ الماتى وبلىسىنداعى «كٶلساي كٶلدەرٸ» ۇلتتىق پاركٸ تٷيٸندەيدٸ. بۇل تابيعي نىساندى 350 مىڭنان استام ادام ارالاعان. ونىڭ اۋماعىنداعى كٶلساي مەن قايىڭدى كٶلدەرٸ - پاركتىڭ باستى تابيعي نىشاندارى.
تۋريستەردٸڭ سانى بويىنشا شارىن جەنە باياناۋىل ۇلتتىق پاركتەرٸ دە بەستٸككە كٸرەدٸ.
شارىن ۇلتتىق پاركٸ الماتى وبلىسىندا ورنالاسقان جەنە بٸرەگەي شاتقالمەن كٶپشٸلٸك اراسىندا تانىمال. وعان فوتوتۋريزم, دجيپ-تۋرلار مەن ەتنوەكسپەديتسييالارمەن اينالىساتىن ساياحاتشىلار جيٸ كەلەدٸ.
باياناۋىل - پاۆلودار وبلىسىندا ورنالاسقان جەنە قازاقستان اۋماعىندا قۇرىلعان العاشقى ۇلتتىق پارك. بۇل اۋماق جۇمساق كليماتىمەن, تاۋلى لاندشافتتارمەن جەنە كٶلدەرٸمەن ەرەكشەلەنەدٸ.
