Onyń mán-maǵynasy men mazmunyn baiytyp, jyl saiyn 14-23 naýryz aralyǵynda ótkiziletin Naýryznama onkúndigin jariialaý usynyldy. Bul týraly OKQ alańynda QR MAM Mádeniet komiteti tóraǵasynyń orynbasary Sábit Barlybaev habarlady.
"Tarihi turǵydan alǵanda, jańa jyldy toilaý 8-9 kúnge jalǵasyp, ony "Naýryznama" dep ataǵan. Árine, bul týraly derekter uly filosof-jazýshylarymyz Mahmud Qashǵaridiń, Máshhúr Júsip Kópeiulynyń, Abai Qunanbaiulynyń, Muhtar Áýezovtiń eńbekterinde jazylǵan", - dedi spiker.
Naýryznama onkúndigi
14 naýryz kúni – Kórisý kúni - Amal merekesi toilanady. Negizinde elimizdiń batys óńirlerinde saqtalǵan mereke endi barlyq aimaqtarda toilanady.
15 naýryz – Qaiyrymdylyq kúni. Bul kún qaiyrymdylyqqa, meiirim men tatý kórshilikke arnalady.
16 naýryz – Mádeniet jáne ulttyq salt-dástúr kúni. Bul kún mádenietimizdi, ónerimiz ben ulttyq qundylyqtarymyzdy nasihattaýǵa arnalady.
17 naýryz – Shańyraq kúni. Osy kúni otbasylyq qundylyqtarymyzdy dáripteýge, ónegeli urpaq tárbielegen úlgili otbasylarǵa arnalǵan mádeni is-sharalar uiymdastyrylady.
18 naýryz – Ulttyq kiim kúni. Naýryznamanyń onkúndiginde elimizdiń barlyq óńirlerinde ulttyq kiimderimizdi nasihattaýǵa baǵyttalǵan túrli is-sharalar ótkizilmek.
19 naýryz – Jańarý kúni. Osy kúni kóktemgi aǵash egý dástúrin jalǵastyrý usynyldy.
20 naýryz – Ulttyq sport kúni. Bul kúni eldiń barlyq aimaqtarynda ulttyq sporttan túrli jarystar uiymdastyrylady.
21 naýryz – Yntymaq kúni. Bul kúnniń ideiasy – jalpy halyq bir-birine degen syi-qurmetterin arttyryp, tatýlyq pen birlikti nasihattaý.
22 naýryz – Jyl basy. Bul kúni elimizdiń barlyq óńirlerinde jalpyhalyqtyq mádeni-sporttyq is-sharalar ótkizilip, stildi etnoaýyldar men túrli jármeńkeler uiymdastyrylady.
