ونىڭ مەن-ماعىناسى مەن مازمۇنىن بايىتىپ, جىل سايىن 14-23 ناۋرىز ارالىعىندا ٶتكٸزٸلەتٸن ناۋرىزناما ونكٷندٸگٸن جارييالاۋ ۇسىنىلدى. بۇل تۋرالى وكق الاڭىندا قر مام مەدەنيەت كوميتەتٸ تٶراعاسىنىڭ ورىنباسارى سەبيت بارلىباەۆ حابارلادى.
"تاريحي تۇرعىدان العاندا, جاڭا جىلدى تويلاۋ 8-9 كٷنگە جالعاسىپ, ونى "ناۋرىزناما" دەپ اتاعان. ەرينە, بۇل تۋرالى دەرەكتەر ۇلى فيلوسوف-جازۋشىلارىمىز ماحمۇد قاشعاريدٸڭ, مەشھٷر جٷسٸپ كٶپەيۇلىنىڭ, اباي قۇنانبايۇلىنىڭ, مۇحتار ەۋەزوۆتٸڭ ەڭبەكتەرٸندە جازىلعان", - دەدٸ سپيكەر.
ناۋرىزناما ونكٷندٸگٸ
14 ناۋرىز كٷنٸ – كٶرٸسۋ كٷنٸ - امال مەرەكەسٸ تويلانادى. نەگٸزٸندە ەلٸمٸزدٸڭ باتىس ٶڭٸرلەرٸندە ساقتالعان مەرەكە ەندٸ بارلىق ايماقتاردا تويلانادى.
15 ناۋرىز – قايىرىمدىلىق كٷنٸ. بۇل كٷن قايىرىمدىلىققا, مەيٸرٸم مەن تاتۋ كٶرشٸلٸككە ارنالادى.
16 ناۋرىز – مەدەنيەت جەنە ۇلتتىق سالت-دەستٷر كٷنٸ. بۇل كٷن مەدەنيەتٸمٸزدٸ, ٶنەرٸمٸز بەن ۇلتتىق قۇندىلىقتارىمىزدى ناسيحاتتاۋعا ارنالادى.
17 ناۋرىز – شاڭىراق كٷنٸ. وسى كٷنٸ وتباسىلىق قۇندىلىقتارىمىزدى دەرٸپتەۋگە, ٶنەگەلٸ ۇرپاق تەربيەلەگەن ٷلگٸلٸ وتباسىلارعا ارنالعان مەدەني ٸس-شارالار ۇيىمداستىرىلادى.
18 ناۋرىز – ۇلتتىق كيٸم كٷنٸ. ناۋرىزنامانىڭ ونكٷندٸگٸندە ەلٸمٸزدٸڭ بارلىق ٶڭٸرلەرٸندە ۇلتتىق كيٸمدەرٸمٸزدٸ ناسيحاتتاۋعا باعىتتالعان تٷرلٸ ٸس-شارالار ٶتكٸزٸلمەك.
19 ناۋرىز – جاڭارۋ كٷنٸ. وسى كٷنٸ كٶكتەمگٸ اعاش ەگۋ دەستٷرٸن جالعاستىرۋ ۇسىنىلدى.
20 ناۋرىز – ۇلتتىق سپورت كٷنٸ. بۇل كٷنٸ ەلدٸڭ بارلىق ايماقتارىندا ۇلتتىق سپورتتان تٷرلٸ جارىستار ۇيىمداستىرىلادى.
21 ناۋرىز – ىنتىماق كٷنٸ. بۇل كٷننٸڭ يدەياسى – جالپى حالىق بٸر-بٸرٸنە دەگەن سىي-قۇرمەتتەرٸن ارتتىرىپ, تاتۋلىق پەن بٸرلٸكتٸ ناسيحاتتاۋ.
22 ناۋرىز – جىل باسى. بۇل كٷنٸ ەلٸمٸزدٸڭ بارلىق ٶڭٸرلەرٸندە جالپىحالىقتىق مەدەني-سپورتتىق ٸس-شارالار ٶتكٸزٸلٸپ, ستيلدٸ ەتنواۋىلدار مەن تٷرلٸ جەرمەڭكەلەر ۇيىمداستىرىلادى.
