"Biyl "Nurly jol" memlekettik baǵdarlamasy boiynsha jol qurylysyna 96,9 mlrd. teńge jumsaldy. Bul týraly búgin Úkimet otyrysynda QR Ulttyq ekonomika ministri Qýandyq Bishimbaev málim etti", -dep habarlaidy Ult.kz tilshisi QazAqparat agenttigine silteme jasap.
Jalpy "Nurly jol" memlekettik baǵdarlamasy boiynsha 409,2 mlrd. teńge bólingen jáne jyldyq jospar boiynsha 53 paiyz igerildi. «Shuǵyla» qaǵidaty boiynsha Astanany aýmaqtarmen bailanystyratyn, tiimdi aýmaqaralyq avtojol jelisin qurý úshin, 2015-2020 jyldary aralyǵynda membaǵdarlama sheńberinde 6,7 myń. km-den astam avtokólik joldary salynyp jáne rekonstrýktsiiadan ótkiziletin bolady.
"2015-2016 jyldary avtojoldardyń qurylysy men rekonstrýktsiialaýyna 329,3 mlrd. teńge bólindi. 2015 jylǵy qarajat tolyqtai igerildi, bul 456 km avtojoldardy salýǵa jáne rekonstrýktsiialaýǵa múmkindik berdi. Aǵymdaǵy jyly 151,3 mlrd. teńge bólindi, odan qarjylandyrý josparyna sáikes 96,9 mlrd. teńge tolyqtai igerildi jáne jol-qurylys jumystarymen 1 038 km avtojoldary qamtyldy", - dedi ministr.
Onyń aitýynsha, jyl aiaǵyna deiin barlyq qarajat kózderinen 920 km avtojoldarda qurylys jumystary aiaqtalatyn bolady.
Odan basqa, 147,8 mlrd. teńge somasyna «Batys Eýropa - Batys Qytai» jáne «Beineý - Aqtaý 2» avtojol jobalaryn iske asyrý úshin biýdjettik resýrstarǵa qosymsha HQU (halyqaralyq qarjy uiymdary) qaryzdary tartyldy.
2020 jylǵa tranzit áleýetin jylyna 25-ten 88 mln. tonnaǵa kóterý jáne ótkizý qabiletin jylyna 3-ten 7,6 mln. adamǵa deiin kóbeitý úshin Borjaqty-Ersai jáne Almaty-Shý temir jol jelileriniń, Quryq portynda parom ótkeliniń jáne Astana q. áýejaiynyń qurylysyna membaǵdarlama sheńberinde 2015-2016 jyldary 95,2 mlrd. teńge bólindi (2015 jyly 48,8 mlrd. teńge, 2016 jyly 46,4 mlrd. teńge).
Búgingi kúni, aǵymdaǵy jyly bólingen qarajat tolyq kólemde tiisti memlekettik syńaily kompaniialardyń qaraýynda jatyr, olar 34,8 mlrd. teńgeni igerdi. Qalǵan qarajat jyl sońyna deiin tolyqtai igeriletin bolady.
Sonymen qatar, makroóńirlerde ónerkásipti damytý úshin membaǵdarlamamen arnaiy ekonomikalyq aimmaqtardyń qurylysy kózdelgen, onyń ishinde Atyraý oblysyndaǵy Ulttyq indýstriialdy munai-himiialyq tehnoparki bar.
Bul maqsattarǵa «UIMT» AEA infraqurylymyn salý boiynsha jobasyn iske asyrý úshin 2016 jyly 10 mlrd. teńge bólindi, olar jyl aiaǵyna deiin tolyqtai igeriletin bolady.
.jpeg)