L. Gýmilev atyndaǵy EUÝ qashyqtan oqytý barysynda materialdyq-tehnikalyq bazany nyǵaitý úshin 1 mlrd teńge bóldi. Bul týraly Ortalyq kommýnikatsiialar qyzmetinde ótken onlain brifingide aityldy, dep habarlaidy QazAqparat.
«Qysqy sessiiany ótkizýge daiyndyq aiasynda kóp jumys atqarylyp jatyr. Pandemiia bastalǵan kezde basqa bilim mekemelerine qaraǵanda joǵary oqý oryndary qashyqtan oqýǵa daiyn boldy. Qazirgi ýaqytta stýdentterdiń 84% qashyqtan oqidy. Al shtat aralas rejimde jumys isteidi. Koronavirýs pandemiiasynyń jalǵasýyna bailanysty gýmanitarlyq, áleýmettik baǵytta oqityndar qashyqtan oqýyn jalǵastyra beredi, al meditsinalyq, injenerlik baǵytta oqityndar úshin qashyqtan bilim alý qiyn, sol sebepti olar aralas rejimde oqidy degen sheshim qabyldandy», - deidi QR Bilim jáne ǵylym vitse-ministri Miras Dáýlenov.
Ol joǵarý oqý oryndarynda qashyqtan oqý sapaly júzege asýy úshin qarjy bólingendigin aitty.
«L.Gýmilev atyndaǵy EUÝ qashyqtan oqytý barysynda materialdyq-tehnikalyq bazany kúsheite túsý úshin 1 mlrd teńge bóldi. Bul qarajat aldymen server satyp alýǵa, baǵdarlamamen qamtamasyz etýge, video-konferentsiia bailanys qyzmetin qosý úshin, jáne antiplagiat úshin jumsaldy. Sondai-aq, QR Bilim jáne ǵylym ministrligi oqý aqysyn qymbattatyp jibermeý týraly usynys aitqan bolatyn. Joǵary oqý oryndary bul usynysty sátti oryndady», - deidi ol.
