Biylǵy UBT qorytyndysy boiynsha talapkerlerdiń 76 paiyzy qazaq tilinde test tapsyrǵan, - dep habarlaidy QazAqparat.
Bul týraly Ǵylym jáne joǵary bilim ministrligi Joǵary jáne joǵary oqý ornynan keiingi bilim departamentiniń direktory Gúljan Jarasova ortalyq kommýnikatsiialar qyzmetinde ótken brifingte aitty.
«5 shilde kúni negizgi Ulttyq biryńǵai testileý aiaqtaldy. UBT biyl da 43 testileý ortalyǵynda «1 kompiýter - 2 kamera - 1 talapker» qaǵidaty boiynsha elektrondy formatta ótti. Biyl da UBT tapsyrýǵa eki ret múmkindik berildi. Eki múmkindikte de talapkerler bir beiindik pánder kombinatsiiasyn tańdady», - dedi vedomstvo ókili.
Aitýynsha, jalpy negizgi Ulttyq biryńǵai testileýge qatysý úshin 290 myńnan astam ótinish túsken. Onyń ishinde 160 myńy birinshi múmkindikti paidalanýǵa, 130 myńy ekinshi múmkindikti paidalanýǵa arnalǵan.
«UBT qorytyndysy boiynsha 154 myń talapker eki múmkindikti de eseptegende 276 myń ret test tapsyrdy.
Testi tapsyrý tiline kelsek, túlekterdiń 76 paiyzǵa jýyǵy qazaq tilinde, 24 paiyzy orys tilinde, 213 bala aǵylshyn tilinde bilimderin synady. Testileý 5 pán boiynsha júrgizildi. Jalpy suraqtardyń sany – 120. Testileý uzaqtyǵy 4 saǵat nemese 240 miýntqa sozyldy», - dedi Gúljan Jarasova.
