بيىلعى ۇبت قورىتىندىسى بويىنشا تالاپكەرلەردٸڭ 76 پايىزى قازاق تٸلٸندە تەست تاپسىرعان, - دەپ حابارلايدى قازاقپارات.
بۇل تۋرالى عىلىم جەنە جوعارى بٸلٸم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى گٷلجان جاراسوۆا ورتالىق كوممۋنيكاتسييالار قىزمەتٸندە ٶتكەن بريفينگتە ايتتى.
«5 شٸلدە كٷنٸ نەگٸزگٸ ۇلتتىق بٸرىڭعاي تەستٸلەۋ اياقتالدى. ۇبت بيىل دا 43 تەستٸلەۋ ورتالىعىندا «1 كومپيۋتەر - 2 كامەرا - 1 تالاپكەر» قاعيداتى بويىنشا ەلەكتروندى فورماتتا ٶتتٸ. بيىل دا ۇبت تاپسىرۋعا ەكٸ رەت مٷمكٸندٸك بەرٸلدٸ. ەكٸ مٷمكٸندٸكتە دە تالاپكەرلەر بٸر بەيٸندٸك پەندەر كومبيناتسيياسىن تاڭدادى», - دەدٸ ۆەدومستۆو ٶكٸلٸ.
ايتۋىنشا, جالپى نەگٸزگٸ ۇلتتىق بٸرىڭعاي تەستٸلەۋگە قاتىسۋ ٷشٸن 290 مىڭنان استام ٶتٸنٸش تٷسكەن. ونىڭ ٸشٸندە 160 مىڭى بٸرٸنشٸ مٷمكٸندٸكتٸ پايدالانۋعا, 130 مىڭى ەكٸنشٸ مٷمكٸندٸكتٸ پايدالانۋعا ارنالعان.
«ۇبت قورىتىندىسى بويىنشا 154 مىڭ تالاپكەر ەكٸ مٷمكٸندٸكتٸ دە ەسەپتەگەندە 276 مىڭ رەت تەست تاپسىردى.
تەستٸ تاپسىرۋ تٸلٸنە كەلسەك, تٷلەكتەردٸڭ 76 پايىزعا جۋىعى قازاق تٸلٸندە, 24 پايىزى ورىس تٸلٸندە, 213 بالا اعىلشىن تٸلٸندە بٸلٸمدەرٸن سىنادى. تەستٸلەۋ 5 پەن بويىنشا جٷرگٸزٸلدٸ. جالپى سۇراقتاردىڭ سانى – 120. تەستٸلەۋ ۇزاقتىعى 4 ساعات نەمەسە 240 ميۋنتقا سوزىلدى», - دەدٸ گٷلجان جاراسوۆا.
