Foto: ana tili
Biyl ulttyq biryńǵai testileýge 210 myńnan astam talapker qatysty. Bul týraly Ortalyq kommýnikatsiialar qyzmetinde ótken brifingte QR Ǵylym jáne joǵary bilim vitse-ministri Gúlzat Kóbenova málimdedi, dep habarlaidy Ult.kz.
Ulttyq biryńǵai testileýge qatysqandardyń ishinde 160,5 myń adam nemese 76,35% joǵary bilim alýǵa qajetti shekti baldy jinai aldy. UBT-nyń ortasha baly 69,42 boldy.
2025 jyly memlekettik bilim granttarynyń konkýrsyna 113 myńǵa jýyq ótinim berildi, bul ótken jylmen salystyrǵanda 9 myńǵa artyq.
Biyl joǵary jáne joǵary oqý ornynan keiingi bilimi bar kadrlardy daiarlaýǵa 93 232 grant bólindi, onyń ishinde 77 084 grant joǵary bilimge arnalǵan.
Konkýrs qorytyndysy boiynsha granttar 99% kóleminde igerildi.
Anyqtama: Onyń ishinde:
– 2500 grant Atyraý jáne Mańǵystaý oblystarynyń jastaryna berildi,
– Serpin jobasy boiynsha 2004 grant,
– Sheteldik joǵary oqý oryndarynyń filialdarynda oqý úshin 2 365 grant.
– Halyqtyń áleýmettik osal toptary sanatyndaǵy balalarǵa 9,5 myń grant,
– 2, 1 myń grant – qandastarǵa berildi.
Biyl alǵash ret merzimdi áskeri qyzmet ótkergen azamattar úshin 2 010 bilim berý granty bólindi.
25 tamyz kúni bakalavriat baǵdarlamalaryna qabyldaý aiaqtaldy. Magistratýra men doktorantýraǵa qabyldaý búgin aiaqtalady.
