Túrkistan oblysynda bilim uialarynyń sany ótken jylmen salystyrǵanda 32 mektepke artyp, 983-ke jetti. Onyń ishinde 75-i – jekemenshik mektepter. Oqýshy sany artyp, 514 myńnan asty. Orta bilim salasyndaǵy ózekti máseler Túrkistan oblysynyń ákimi Darhan Satybaldynyń tóraǵalyq etýimen ótken jinalysta talqylandy. Bul týraly oblys ákimdiginiń baspasóz qyzmeti habarlady.
Oblystyq adami áleýetti damytý basqarmasynyń basshysy Dinislam Bolathanulynyń baiandaýynsha, halyq sany jaǵynan tyǵyz ornalasqan Túrkistan oblysynda bilim salasynyń deńgeiin kóterýde mamandar jetkiliksiz. Óńirde pedagogtar sany – 67 333, bilim alýshylar sany – 540 609, jalpy memlekettik bilim berý uiymdarynyń sany – 1376, bilim salasyna qatysty memlekettik qyzmetkerler sany jalpy - 106.
«Bilimdi ult» sapaly bilim berý» Ulttyq jobasy boiynsha oblystaǵy 824 memlekettik negizgi jáne orta bilim berý uiymdaryn 3 myńnan astam fizika, himiia, biologiia, STEM pándik kabinettermen qamtamasyz etý josparlanǵan.
Apatty jáne úsh aýysymdy mektepterdi azaitý úshin jumystar kúsheitilgen. Memleket basshysynyń 2022-2025 jyl aralyǵynda 1000 mektep salý baǵdarlamasy boiynsha apatty jaǵdaidaǵy úsh mektep anyqtalyp, qurylysy júrgizilýde. Sondai-aq «Jaily mektep» Ulttyq pilottyq jobasyn iske asyrý sheńberinde 2023-2025 jyl aralyǵynda Túrkistan oblysynda 60-tan astam zamanaýi mektep salynady. Jaily mektepter barlyq aýdan, qalalarda boi kóteredi.
Oblystaǵy 52 kolledjde 37 myńǵa jýyq bala bilim alady. Dýaldy oqýmen qamtylǵan kolledjder sany – 35. Biylǵy oqý jylyna kadrlardy daiarlaýǵa 71 mamandyq boiynsha 17 000 orynǵa memlekettik grant bólindi. Kolledjderdi qamqorlyqqa alý jóninde 29 kolledj 53 kásiporynmen memorandým túzdi. Sonymen qatar Jumyspen qamtý ortalyǵy, «Atameken» UKP, kásipkerlik jáne bilim bólimderiniń mamandaryn tarta otyryp, aýdandarda aýylsharýashylyq kolledjderiniń bazasynda jastardy qoldaý ortalyqtary (JQO) ashylmaq. Osy arqyly Túrkistan oblysynyń aýyl jastaryn NEET sanatynan shyǵarý qarastyrylýda.
