تٷركٸستان وبلىسىندا بٸلٸم ۇيالارىنىڭ سانى ٶتكەن جىلمەن سالىستىرعاندا 32 مەكتەپكە ارتىپ, 983-كە جەتتٸ. ونىڭ ٸشٸندە 75-ٸ – جەكەمەنشٸك مەكتەپتەر. وقۋشى سانى ارتىپ, 514 مىڭنان استى. ورتا بٸلٸم سالاسىنداعى ٶزەكتٸ مەسەلەر تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىق ەتۋٸمەن ٶتكەن جينالىستا تالقىلاندى. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى.
وبلىستىق ادامي ەلەۋەتتٸ دامىتۋ باسقارماسىنىڭ باسشىسى دٸنيسلام بولاتحانۇلىنىڭ بايانداۋىنشا, حالىق سانى جاعىنان تىعىز ورنالاسقان تٷركٸستان وبلىسىندا بٸلٸم سالاسىنىڭ دەڭگەيٸن كٶتەرۋدە ماماندار جەتكٸلٸكسٸز. ٶڭٸردە پەداگوگتار سانى – 67 333, بٸلٸم الۋشىلار سانى – 540 609, جالپى مەملەكەتتٸك بٸلٸم بەرۋ ۇيىمدارىنىڭ سانى – 1376, بٸلٸم سالاسىنا قاتىستى مەملەكەتتٸك قىزمەتكەرلەر سانى جالپى - 106.
«بٸلٸمدٸ ۇلت» ساپالى بٸلٸم بەرۋ» ۇلتتىق جوباسى بويىنشا وبلىستاعى 824 مەملەكەتتٸك نەگٸزگٸ جەنە ورتا بٸلٸم بەرۋ ۇيىمدارىن 3 مىڭنان استام فيزيكا, حيمييا, بيولوگييا, STEM پەندٸك كابينەتتەرمەن قامتاماسىز ەتۋ جوسپارلانعان.
اپاتتى جەنە ٷش اۋىسىمدى مەكتەپتەردٸ ازايتۋ ٷشٸن جۇمىستار كٷشەيتٸلگەن. مەملەكەت باسشىسىنىڭ 2022-2025 جىل ارالىعىندا 1000 مەكتەپ سالۋ باعدارلاماسى بويىنشا اپاتتى جاعدايداعى ٷش مەكتەپ انىقتالىپ, قۇرىلىسى جٷرگٸزٸلۋدە. سونداي-اق «جايلى مەكتەپ» ۇلتتىق پيلوتتىق جوباسىن ٸسكە اسىرۋ شەڭبەرٸندە 2023-2025 جىل ارالىعىندا تٷركٸستان وبلىسىندا 60-تان استام زاماناۋي مەكتەپ سالىنادى. جايلى مەكتەپتەر بارلىق اۋدان, قالالاردا بوي كٶتەرەدٸ.
وبلىستاعى 52 كوللەدجدە 37 مىڭعا جۋىق بالا بٸلٸم الادى. دۋالدى وقۋمەن قامتىلعان كوللەدجدەر سانى – 35. بيىلعى وقۋ جىلىنا كادرلاردى دايارلاۋعا 71 ماماندىق بويىنشا 17 000 ورىنعا مەملەكەتتٸك گرانت بٶلٸندٸ. كوللەدجدەردٸ قامقورلىققا الۋ جٶنٸندە 29 كوللەدج 53 كەسٸپورىنمەن مەموراندۋم تٷزدٸ. سونىمەن قاتار جۇمىسپەن قامتۋ ورتالىعى, «اتامەكەن» ۇكپ, كەسٸپكەرلٸك جەنە بٸلٸم بٶلٸمدەرٸنٸڭ ماماندارىن تارتا وتىرىپ, اۋدانداردا اۋىلشارۋاشىلىق كوللەدجدەرٸنٸڭ بازاسىندا جاستاردى قولداۋ ورتالىقتارى (جقو) اشىلماق. وسى ارقىلى تٷركٸستان وبلىسىنىڭ اۋىل جاستارىن NEET ساناتىنان شىعارۋ قاراستىرىلۋدا.
